Instagram գովազդ սթորիներու՞մ, թե՞ լրահոսում: Ո՞րն է ավելի մատչելի:

Ինստագրամում գովազդներ հանդիպում են ամեն օր, սակայն երբևէ փորձե՞լ եք վերլուծել, թե որ տեսակի գովազդն է ավելի  մատչելի ու միաժամանակ արդյունավետ: Buffer և Animoto ընկերությունների կողմից անցկացված հետազոտությունները ցույց են տվել, որ սթորիներում գովազդ տեղադրելը զգալիորեն ավելի մատչելի է, քան լրահոսում:

Ահա CPM և CPC ցուցանիշները, որոնք ստացվել են հետազոտությունների արդյունքում: Եթե չգիտեք այս տերմինների նշանակությունը, սեղմելով այս հղմանը՝ անպայման ծանոթացե՛ք դրանց, քանի որ եթե հետաքրքրված եք այս ոլորտով, դրանք ձեզ անընդհատ հանդիպելու են:

• Animoto - սթորիներում տեղադրվող գովազդի CPM-ը և CPC-ը 57%-ով ցածր են, քան լրահոսում: 
• Buffer -  սթորիներում տեղադրվող գովազդի CPM-ը 50%-ով է ցածր, քան լրահոսում, իսկ CPC-ը՝ 30%-ով:

Ահա՛ CPC-ի համեմատական վերլուծությունը ըստ Animoto-ի և Buffer-ի՝ ելնելով քառակուսի և հորիզոնական հրապարակումներից ու սթորիներից՝   

Սա էլ CPM-ի համեմատական վերլուծությունը ըստ Animoto-ի և Buffer-ի՝ ելնելով քառակուսի և հորիզոնական հրապարակումներից ու սթորիներից  

Սակայն CPV ցուցանիշը սթորիում ավելի բարձր է, քան լրահոսում: CPV-ն ամենացածրը լրահոսում տեղադրվող քառակուսի հրապարակումների վրա միացված գովազդինն է:

Եթե վերցնենք հոլովակի դիտման առավել մանրամասն գնահատականը, ապա սթորիների համար կստանանք հետևյալ ցուցանիշները՝

Ըստ Animoto-ի՝

• 3 վայրկյան տևողությամբ հոլովակի CPV-ն թանկ է 108%-ով, 
• Տեղադրված վիդեոհոլովակի կեսը նայելու համար վճարվող CPV-ն թանկ է 65%-ով, 

Ըստ Buffer-ի՝

• 3 վայրկյան տևողությամբ հոլովակի CPV-ն թանկ է 71%-ով, 
• Վիդեոհոլովակի կեսը նայելու համար վճարվող CPV-ն թանկ է 21%-ով: 

Ստացվում է, որ քլիքի համար վճարվող գնի անկման դեպքում դիտման համար վճարվող գինն աճում է: Սա կարող է կապված լինել այն բանի հետ, որ վիդեոհոլովակը դիտելու փոխարեն օգտատերերը սեղմում են հղումներին ու հեշթեգերին կամ թերթում լրահոսը:

Ստացվում է, որ սթորիներում գովազդի առկայությունը հրաշալի հնարավորություն է օգտատերերի գործողությունները խթանելու համար:

Դե ինչ, հուսով ենք այս տվյալները կօգնեն ձեզ համակցել լավագույն գործիքները ու ստանալ ամենաարդյունավետ գովազդային արշավը, իսկ եթե ցանկանում եք գովազդի ասպարեզի հետաքրքիր գործերի ծանոթանալ ու որոշել՝ անազնվություն է դա, թե պրոֆեսիոնալիզմ, խորհուրդ ենք տալիս անցնել այս հղմամբ և ընթերցել նաև մեր պատրաստած նյութն այդ մասին: