3 քայլ դեպի 2018 թվականի հաջող մեկնարկը

Մենք մոտենում ենք 2017 թվականի ավարտին: Սա իդեալական ժամանակն է հետ նայելու, վերլուծելու վերջին 12 ամիսների ընթացքում հավաքագրված տվյալները, ծրագրեր կառուցելու հունվարի համար:



Ոմանց համար դա չափազանց բարդ խնդիր է: Ահա թե ինչու մենք պատրաստեցինք այս կարճ ուղեցույցը կազմված երեք քայլերից, 2018 թվականի հաջող մեկնարկը ապահովելու համար:

1. Գտեք ձեր պոտենցիալ հաճախորդներին:

Դեկտեմբերը օպտիմալ ժամանակ է վերլուծելու բաց թողած գործարքները և հնարավոր է, որ ձեզ համար նոր հնարավորություններ գտնեք:

Օգտագործելով ձեր CRM համակարգը կամ աղյուսակը, որտեղ դուք պահում եք ձեր փակ և բաց թողնված գործարքների արձանագրությունը, հայտնաբերում եք պոտենցիալ հաճախորդների, որոնք այդպես էլ ձեզ հետ գործարք չեն կնքել՝ ասելով՝ «Կապնվեք մեզ հետ հաջորդ տարի» կամ «Եկեք հետաձգենք այն մինչև X ժամանակ»: Այս կոնտակտները դրեք առանձին ցուցակում:

2. Կազմեք ձեր ցուցակը՝ ըստ առաջնահերթության:

Որպեսզի ժամանակ չկորցնեք նրանց վրա, ովքեր երբեք էլ չեն դառնա ձեր հաճախորդը, կազմեք ձեր ցուցակը՝ ըստ առաջնահերթության հաշվի առնելով հետևյալը՝

  • Գործարքի չափսը. արժե՞ արդյոք:
  • Ընկերության չափսը. հարմա՞ր է արդյոք ձեր արտադրանքի կամ ծառայության համար:
  • Կոնտակտային անձ. այն անձը, ում հետ հաղորդակցվում եք, կարո՞ղ է արդյոք որոշումներ կայացնել:
  • Մրցակիցներ. եթե լրանում է ձեր պոտենցիալ հաճախորդի և ձեր մրցակցի պայմանագրի ժամկետը, կարո՞ղ եք արդյոք նրան ավելի լավ առաջարկ ներկայացնել:
  • Ներկայիս հնարավորությունները. Արդյո՞ք սա լավ ժամանակ է ընկերության հետ կապ հաստատելու համար:

Այս վարժությունը կօգնի ձեզ բացահայտել լավ թվացող պոտենցիալ հաճախորդների, ովքեր առաջ չեն շարժվի: Հեռացրեք նրանց ձեր ցուցակից և կենտրոնացեք մնացածների վրա:

3. Ուսումնասիրեք ձեր պոտենցիալ հաճախորդներին՝ նախքան նրանց զանգահարելը:

Վերանայեք ձեր պոտենցիալ հաճախորդի կայքը՝ ներառյալ ընկերության վերջին նորությունները: Փնտրեք նոր արտադրանքի ֆինանսական արդյունքները կամ ցանկացած այլ տեղեկություն՝ ցույց տալով այն, որ նրանք իսկապես համապատասխանում են ձեզ: Այնուհետև պարզեք ամեն ինչ կոնտակտային անձի մասին: Պարզեք, թե արդյոք նա վերջերս ստացել է նոր պաշտոն, արդյոք տեղափոխվել է մեկ այլ բաժանմունք կամ արդյոք փոխել է աշխատանքը: Ցանկացած փոփոխություն կարող է լինել նրա հետ երկխոսության վերահսկման հիանալի հնարավորություն:

Բոնուսային քայլ. մի մոռացեք ներկայիս հաճախորդների մասին:

Որպես կանոն՝ ընկերությունները զբաղվելով մշտապես նոր հաճախորդներ ներգրավելով՝ բաց են թողնում իրենց առջև եղած հնարավորությունները՝ գործող հաճախորդների հետ իրականացնելու cross-selling կամ upselling:

Նոր տարվա սկիզբը նաև լավ ժամանակ է, որպեսզի վերանայեք ձեր հիմնական հաճախորդների առևտրային գործունեությունը: Պարզեք, ո՞ր հաճախորդներն են այս տարվա ընթացքում մեծ եկամուտ ապահովել և ի՞նչ ծառայություններ են նրանք գնել: