Ինչպե՞ս ընտրել բրենդի ձայնը

Այժմ սպառողներին տպավորելու համար միայն  վառ լոգոտիպ ու հիշվող կարգախոս ունենալը բավարար չէ, հարկավոր է մտնել ուղիղ մարդու սիրտ և ուղեղ: Իսկ ինչպե՞ս: Tone of Voice-ը կամ բրենդի ձայնը հաղորդակցման ռազմավարություն է, ճանաչելի բառակապակցությունների հավաքածու, որով մարդիկ ճանաչում են ընկերությունը:  Ձայնն արտահայտում է բրենդի արժեքները, որոնցով այն կտարբերվի մրցակիցներից: 



Այժմ սպառողներին տպավորելու համար միայն  վառ լոգոտիպ ու հիշվող կարգախոս ունենալը բավարար չէ, հարկավոր է մտնել ուղիղ մարդու սիրտ և ուղեղ: Իսկ ինչպե՞ս: Tone of Voice-ը կամ բրենդի ձայնը հաղորդակցման ռազմավարություն է, ճանաչելի բառակապակցությունների հավաքածու, որով մարդիկ ճանաչում են ընկերությունը:  Ձայնն արտահայտում է բրենդի արժեքները, որոնցով այն կտարբերվի մրցակիցներից: 

Օրինակ՝ Uber-ը պնդում է, որ իր ձայնը արտահայտում է բրենդի էությունը՝ թույլ տալով մարդկանց հասկանալ, թե ով են իրենք ու ինչ են անում: Նրանք փորձում են հասնել նրան, որ մարդը, տեսնելով ինչ-որ բան, անպայման նկատի. «Այ սա Ուբեռին նման է»: 
Նախքան ձայնի ընտրությունը պետք է հաշվի առնել, թե որն է թիրախային լսարանն ու հիշել, որ անգամ այնտեղ կարող են լինել իրարից միանգամայն տարբեր մարդիկ: Համոզվե՛ք, որ ձայնին վերաբերող ամեն մանրուք հաշվի է առնվել՝ տոնայնությունը, հաղորդակցման վայրը, բառերն ու բառակապակցությունները, որոնք ցանկալի կամ ոչ ցանկալի է օգտագործելը:
Դիտարկենք Tone of Voice-ի տեսակները`


Բրենդ-ընկեր
Սա այն ընկերություններն են, որոնք ցանկանում են հնարավորինս մոտ լինել ժողովրդին: Նրանք մարդկանց դիմում են դու-ով, անվանում ընկեր, գրում են պարզ, առանց թվերի ու վիճակագրության տեքստեր, ցույց են տալիս բիզնեսի ետնաբեմն ու կիսվում հաղթանակներով:


Պրովոկատոր
Ընկերություններն են, որոնք երբեմն չեն վախենում անցնել հանրային կարծիքի ու բարոյականության սահմանները: Կարողանում են «բռնել» այդ պահին տիրող իրավիճակը, օգտվել առիթից, անել աղմկոտ հայտարարություններ ու մտնել քննարկման մեջ: Այս կերպ է խոսում Burger King-ը:


Ուսուցիչ
Այս բրենդները կիսվում են օգտակար տեղեկատվությամբ, ընտրանիներ են կազմում ու հրապարակում, կիսվում են փորձով ու տալիս խորհրդատվություն: Այստեղ ակտիվ է շփումը լսարանի հետ, պատասխան են ստանում հաճախորդների բոլոր հարցերը, հրապարակվում են երկար, ինֆորմատիվ տեքստեր:


Բրենդ, որը զվարճացնում է
Բրենդի այս տեսակը չի վախենում անլուրջ տպավորություն թողնելուց: Այստեղ հաճախ կհանդիպեք նույնիսկ սեփական պրոդուկտին առնչվող կատակներ, ստեղծում է ինտերակտիվ կոնտենտ: Այսպիսին է IKEA-ն:

Բրենդի ձայնը ցանկացած ընկերության անբաժանելի մասն է, ու հենց դա է մարդուն դրդում կապ պահպանել բրենդի հետ, քանի որ միշտ չէ, որ այս կամ այն ապրանքը գնում ենք՝ զուտ ելնելով անհրաժեշտությունից: Ուստի ճիշտ ընտրված ձայնն է Ձեր բրենդին տալու յուրահատուկ շունչ ու վստահություն, իսկ այդ գործում Ձեզ վստահաբար կօգնի Բրենդոնը: 
Ցանկանու՞մ եք շարունակել ընթերցանությունը, մենք ևս մեկ նյութ ենք պատրաստել՝ «Աշխարհի ամենահին բրենդները: Հարյուրամյակների պատմություն»: