Facebook-ը օգտատերերին կտա նորությունների ցուցակը լրիվ կառավարելու հնարավորություն
Նորությունների էջում ձեզ հաստատ հանդիպում են այնպիսի նյութեր, որոնք դուք չէիք ցանկանա տեսնել: Ուստի հարթակը առաջարկում է նորամուծություն՝ կարգավորել newsfeed-ի պարունակությունն առանց այնտեղից դուրս գալու:
Ֆունկցիան կոչվում է «Ինչու՞ եմ ես տեսնում այս հրապարակումը» և դրա հիմնական նպատակն է օգնել օգտատերերին ստանալ միայն իրենց համար հետաքրքիր ու օգտակար տեղեկատվություն առանց նորությունների ցանկից հեռանալու ու հասկանալ, թե ինչի հիման վրա է տվյալ հրապարակումը հայտնվել ձեր էջում:
Ֆունկցիան ակտիվացնելու համար հրապարակման վերին աջ անկյունին սեղմելով՝ կտեսնեք նոր պատուհան, որում կնշվի պատճառը, թե ինչու է տվյալ հրապարակումը ցուցադրվում ձեր էջում և ինչ գործոններ են դրա վրա ազդել: Այստեղից օգտատերը կարող է ընտրել հետևյալ տարբերակներից մեկը՝
- Ցուցադրման առաջնայնություն
- Բաժանորդագրման դադարեցում
- Նորությունների ցուցակի կարգավորումներ
- Գաղտնիության արագ կարգավորումներ
Շնորհիվ այս կարգավորման դուք կկարողանակ տվյալ ոճի հրապարակումներին տալ առաջնայնություն կամ ընդհանրապես հրաժարվել դրանցից:
Այս ֆունկցիան թարմացվել է նաև գովազդային ոլորտում: Ինչպես հայտնի է, գովազդատուն կարող է թիրախավորել հաճախորդին՝ օգտագործելով էլեկտրոնային փոստը, հեռախոսահամարը, ժողովրդագրական տվյալները, հետաքրքրությունները, web պատմությունը և այլն: Տվյալ պարագայում օգտատերը կկարողանա հասկանալ, թե ինչի հիման վրա է հենց ինքը թիրախ հանդիսացել տվյալ գովազդի ցուցադրման համար՝ կրկին սեղմելով նույն կոճակը գովադի վերին աջ անկյունում:
Իսկ Facebook Messenger-ի վերջին թարմացումներին ծանոթանալու համար կարող եք անցնել այս հղմամբ՝ ընթերցելու մեր բլոգը:
