Ինչպե՞ս պատասխանել հաճախորդներին: 5 խորհուրդ Facebook-ից

Բնական է, որ երբ շփվում ենք Ֆեյսբուքի մեր անձնական էջով, դա կտրուկ տարբերվում է բիզնես էջով հաճախորդի հետ շփումից: Յուրաքանչյուր զրուցակից պահանջում է հատուկ մոտեցում և խոսելաձև: Ֆեյսբուքի թիմը այս հարցի վերաբերյալ պատրաստել է մի քանի խորհուրդ, որոնք կօգնեն Facebook Messenger-ով հաճախորդների հետ շփվելու գործում: 

1. Պատասխանել արագ 
Կորելյացիոն կապ կա արագ արձագանքելու և հաջողոված բիզնեսի միջև: Ֆեյսբուքի աշխատակիցները խորհուրդ են տալիս պատասխանել հաճախորդների նամակներին հնարավորինս արագ: Սա, իհարկե, դժվարությամբ է վերահսկվում, երբ խոսքը գնում է ոչ աշխատանքային, գիշերային ժամերին կամ հանգստյան օրերին պատասխանելու մասին: Ակնթարթային պատասխանը ռեալ չէ անգամ անհատների դեպքում, երբ նրանք ղեկավարում են միայն մեկ էջ, իսկ երբ խոսքը գնում է մի քանի էջերի ադմինիստրատոր լինելու մասին, գործը զգալիորեն բարդանում է: Այս պարագայում պետք է կիրառել սկզբնական պատասխանի ավտոմատացված տարբերակ, այնուհետև հետևել ու պատասխանել նամակներին հնարավորինս արագ:

2.  Պատասխանել կարճ
Facebook-ը խորհուրդ է տալիս առանցքային հարցերի մասին հաճախորդին տեղեկացնել հնարավորինս կարճ տեքստով: Ամենաիդեալական դեպքում նամակի միտքը պետք է  տեղավորվի առաջին տողում և երևա առանց այն բացելու: 
 

3. 24 ժամվա սահմանափակում 
Ֆեյսբուքի քաղաքականության մեջ հաճախորդի հետ նամակագրության սահմանափակում կա. եթե ընկերությունը ստանում է նամակ հաճախորդից, ապա 24 ժամվա ընթացքում նրան կարող է պատասխանել գովազդ պարունակող նամակով: Գովազդ է համարվում ցանկացած այլ կայքի հղում պարունակող նամակը: 
Որպեսզի այս սահմանափակումը չազդի բիզնեսի առաջխաղացման գործընթացի  վրա, հարկավոր է օգտագործել՝
•    Անձնական, ոչ գովազդային նամակները մատնանշող թեգեր:
•    Մեկանգամյա՝ one-time notification, որպեսզի օգտատերը թույլ տա իրեն ուղարկել ևս մեկ հաղորդագրություն 24-ժամյա սահմանափակումից լրանալուց հետո: Պետք է անպայման հետևել, որ հաճախորդը ստանա հաղորդագրություն հենց այն թեմայի վերաբերյալ, որին համաձայնվել էր: 
•    Sponsored Messages գովազդային հաղորդագրությունների ուղարկում հաճախորդներին, որոնց հետ ընկերությունը շփվել էր Messenger-ով: 

4. Կենտրոնացում նամակի ներկայացրած «արժեքի» վրա
Նամակը անպայման պետք է պատասխանի հաճախորդի պահանջմունքներին, նրա համար արժեք ունենա, այլապես մեծ է հավանականությունը, որ բրենդի հաղորդագրությունները լավագույն դեպքում չեն կարդացվի, իսկ վատագույն դեպքում ընդմիշտ կարգելափակվեն:

5. Հաճախորդին ընտրության հնարավորության ընձեռում 
Հաճախորդին անհրաժեշտ է տրամադրել լիարժեք վերահսկողություն իր ստացած կոնտենտի  տեսակի նկատմամբ: Օրինակ՝ կարելի է թույլ տալ նրան ընտրել՝ ինչ տեսակի և ինչ ինֆորմացիա պարունակող հաղորդագրություններ է նա ցանկանում ստանալ: 
Ահա սրանք էին Ֆեյսբուքի խորհուրդները, որոնց անպայման հետևել է պետք հաճախորդների հետ կապը սերտորեն պահելու և չձանձրացնող ու միշտ տեղին նամակներ ուղարկող ընկերության համբավ վաստակելու համար: 
Իսկ մենք առաջարկում ենք ընթերցել նաև մեկ այլ բլոգ՝ «Համբավ սոցցանցերում: Անձի կապիտալացում»:
Իսկ մենք հիշեցնում ենք, որ Ձեր բիզնեսի պրոֆեսիոնալ վարումը սոցկայքերում կաորղ եք վստահել Բրենդոնին: SMM ծառայությունների մանրամասներն իմանալու համար կարող եք զանգահարել մեզ 055 999 015 հեռախոսահամարով: