Գովազդ աուդիոկոնտենտում՝ 72% օգտատերերի ուշադրությունը գրավելու միջոց
Առցանց աուդիոկոնտենտ լսող օգտատերերի ավելի քան 70%-ը ուշադրություն են դարձնում աուդիոգովազդին, և սա պարզապես գուշակություն չէ, այլ թվային գովազդի ասպարեզում Mediascope-ի իրականացրած հետազոտությունների արդյունքն է: Նպատակը ոլորտի ուսումնասիրությունն էր ու մարդկանց վերաբերմունքի բացահայտումը աուդիոգովազդի նկատմամբ: Հետազոտություններն անց են կացվել 100 000-ից ավել բնակիչ ունեցող քաղաքների այն օգտատերերի շրջանում, որոնք լսում են անվճար աուդիոկոնտենտ և չեն օգտագործում գովազդն արգելափակող հավելվածներ:
Հետազոտությունը տվել է հետևյալ ուշագրավ արդյունքները՝
- Ամենապահանջված օնլայն-աուդիոկոնտենտը երաժշտությունն է: Այն լսում են հարցվածների 95%-ը, որոնց մեկ երրորդ մասը՝ ամեն օր:
- Լսումների երկու երրորդ մասը տեղի է ունենում բջջային սարքավորումներով և միայն մեկ երրորդը՝ համակարգչով:
- Ամենահաճախը երաժշտություն են լսում տնային գործերն անելիս (62%) և ճանապարհ գնալիս (61%):
- Համաձայն հետազոտությունների՝ աուդիոկոնտենտ լսողների 72%-ը ուշադրություն է դարձնում այնտեղ տեղադրված գովազդին:
- Մարդկանց 85%-ը նշել է, որ համաձայն է աուդիոգովազդ լսել՝ դրա դիմաց ստանալով անվճար կոնտենտ:
- Զեղչերի ու ակցիաների մասին գովազդներ դեմ չեն լսել հարցվածների 68%-ը:
- Գովազդային տեքստը լսելու պատրաստակամությունը կախված է նաև դրա երկարությունից: Ըստ հարցվածների 53%-ի՝ իրենց համար նորմալ է այն գովազդը, որը չի գերազանցում 15 վայրկյանը:
Ռադիոյի գոյության ավելի քան 50 տարվա ընթացքում աուդիոգովազդը ապացուցել է իր արդյունավետությունը՝ կարողանալով տպավորվել մարդկանց հիշողությունում՝ չնայած ինֆորմացիոն տեղատարափի: Այսօր, շնորհիվ տեխնոլոգիական առաջընթացի, աուդիոգովազդի հնարավոր է հանդիպել ոչ միայն ռադիոյով, այլև ամենատարբեր թվային հարթակներում, ուստի պետք է անպայման օգտվել այս տեխնոլոգիական առավելությունից:
Այսօրվա բլոգի համար այսքանն էինք նախատեսել, իսկ եթե հետաքրքված եք այս ոլորտով, անպայման խորհուրդ ենք տալիս սեղմել այս հղմամբ և ընթերցել նաև մեր՝ «Գովազդներ՝ ստեղծված կրեատիվության անգերազանցելի մակարդակ ունեցող դիզայներների կողմից» բլոգը:
