9 հարցեր նոր արտադրանքի գովազդի համար

Նոր արտադրանքի թողարկումը գովազդային տեքստի ամենատարածված տեղեկատվական առիթներից մեկն է: Բոլորը գիտեն, որ ամենամեծ հետաքրքրությունը նոր արտադրանքի հանդեպ ծագում է մեկնարկային գործընթացի ժամանակ: Հետևաբար, անմիջապես լավ պատրաստված տեքստից է կախված վաճառքի ցուցանիշը:



Դուք կարող եք տեքստը գրել ինքներդ կամ այդ հարցը վստահեք մասնագետին: Դա կարևոր չէ: Ցանկալի է նախապես պատրաստել որոշ հարցերի պատասխաններ, որոնք կօգնեն ձեզ համոզել պոտենցիալ հաճախորդին:

Ձեզ ենք ներկայացնում 9 շատ կարևոր և ակտուալ հարցեր:

1. «Ինչպե՞ս է կոչվում ձեր արտադրանքը»:

Եթե դուք ձեր նոր արտադրանքի համար մտածում եք վառ, գրավիչ և հիշարժան անուն, դա նպաստում է դրական լուրերի: Նրա մասին սկսում են խոսել, նրան սկսում են փնտրել անունով և այո՛, անունը անունը առանձնացնում է ապրանքը նմանատիպերի շարքում: Հիշե՛ք կարևորը: Անունը պետք է գրավի նպատակային լսարանին և մի փոքր ակնարկի արտադրանքի էությունը: Բազմիցս ապացուցվել է, որ լավ մտածված անունը դրական ազդեցություն է ունենում գների բարձրացման վրա:

2. «Ո՞րն է արտադրանքի հիմնական առավելությունը»:

Առավելությունները և ձեռնտու բնութագրերը ցանկացած  նոր ապրանքի կարևորագույն մասն են կազմում: Միաժամանակ խորհուրդ կտայինք մշակել ուժեղ կարգախոս, որը անվանման տրամաբանական շարունակությունը կլինի:

Երբ սցենարիստը իր աշխատանքը ներկայացնում է պրոդյուսերին, նա հաճախ ստանում է հետևյալ պատասխանը. Նկարագրեք սցենարը մեկ նախադասությամբ: Հենց այդ նախադասությունից է կախված, թե պրոդյուսերին որքան կհետաքրքրի ամբողջ սցենարը:

Դուք հայտարարում եք ձեր նոր արտադրանքի անունը և անմիջապես ներկայացնում իր հիմնական շահութաբեր հատկանիշը:

3. «Ինչու՞ եք որոշել ստեղծել այս ապրանքը»:

Ցանկացած ապրանքի ստեղծում ունի իր պատմությունը: Որպես կանոն, գաղափարները իրենք իրենց չեն առաջանում, դրանք հիմնված են իրական իրավիճակների վրա:

  • հաճախորդների խնդիրները, նպատակները և ցանկությունները,
  • մրցակիցների արտադրանքի թերությունները,
  • մի ապրանքում մի քանի լուծումներ համատեղելու հնարավորությունը,
  • շուկայում խաղի կանոնների փոփոխությունները և սահմանափակումները,
  • տեխնոլոգիական առաջընթաց և այդպես շարունակ:

Հիշեք՝ ինչու՞ եք որոշել ստեղծել նոր արտադրանք: Միայն գումար աշխատելը, մրցակիցներին կոտրելը և հաճույք ստանալը այստեղ չի կիրառվում: Ո՞րն է նպատակը և նախապատմությունը:

Յուրաքանչյուր ապրանք ունի իր պատմությունը: Բարձրաձայնեք այն այնպես, որպեսզի ձեզ հավատան: Եվ մտածեք նպատակային լսարանի մասին, այլ ոչ թե ձեր ամբիցիաների:

4.«Ո՞վ է համարվում արտադրանքի նպատակային լսարանը»:

Շնորհանդեսի ժամանակ հստակ ասեք, թե ում համար եք ստեղծել ձեր նոր ապրանքը: Այդ սահմանումը պետք է լինի հնարավորին չափ ճշգրիտ: Նպատակային լսարանին ցանկալի է առանձնացնել մեկ կոնկրետ ընդհանուր բնութագրով (հավանական է, որ այդ բնութագիրը դուք օգտագործել եք ծառայության կամ ապրանքի ստեղծման պատմությունը գրելու ընթացքում): Դա կարող է լինել ընդհանուր հարց, խնդիր, կարիք և ցանկություն: Այն կարող է լինել մասնագիտական կամ աշխատանքի կողմնորոշում:

Նույնիսկ եթե ձեր արտադրանքը նախատեսված է զանգվածային շուկայի համար, ընտրեք լսարանին:

5. «Որո՞նք են ապրանքի մրցակցային տարբերությունները»:

Հաճախորդը միշտ ընտրում է: Այսինքն, նա կհամեմատի ձեր ապրանքը  մրցակիցների նմանատիպ ապրանքների հետ: Գովազդային տեքստը նախապատրաստելիս ձեր առաջադրանքն է նախապես որոշել մրցակցային առավելությունները: Դրանք պետք է լինեն իրական և ակնհայտ տարբերություններ:  Լավ ապրանքը միշտ էլ ունի տարբերություններ, որովհետև այն պետք է լինի ավելի հետաքրքիր սպառողի համար, քան այն, ինչը արդեն կա: Ինչու՞ պետք է գնորդը գնի նույնը կամ այն, ինչ ավելի վատն է:

6.«Որո՞նք են արտադրանքի առավելությունները»:

Մենք արդեն քննարկել ենք ձեր արտադրանքի հիմնական առավելությունների կարևորությունը: Սահմանել ենք մրցակցային առավելությունները: Եվ մենք լավ հասկանում ենք, որ ապրանքը պետք է ունենա մի քանի օգտակար հատկություններ սպառողի համար: Իդեալական տարբերակն այն է, երբ դուք ցուցակում նշեք ոչ միայն մրցակցային տարբերությունները, այլ նաև այն դիրքորոշումները, որոնք մրցակիցներ չունեն:

Եվ մի թվարկեք բնութագրերը, այլ նշեք, թե ինչ արժեք են ապահովելու նպատակային լսարանի համար:

 7.«Ինչու՞ եք դուք ձեր ապրանքը համարում հաճախորդի համար հետաքրքիր»:

Շարունակենք քննարկել օգուտները:

Երբ արդեն ներկայացրել եք ապրանքի կամ ծառայության առավելությունները և լրացուցիչ արժեքների ցուցակը, կարելի է ամփոփել դիպուկ կարգախոսով, որը կհամոզի ապրանքի կամ ծառայության անհրաժեշտությունը: Ուշադրություն դարձրեք տարբերությանը: Նախկինում մենք ասում էինք ինչ առավելություններ են, իսկ հիմա՝ ինչու է դա առավելություն: Այս հարցի պատասխանը հաճախ տեղադրվում է «tagline» ձևով:  Այն ակնհայտ ամփոփիչ արտահայտություն է, որն օգտագործվում է գործողության կոչից առաջ:

8. «Ինչու՞ է ապրանքը այսօր ակտուալ»:

Հաճախորդների 90%-ը հետաքրքրվում է ապրանքով կամ ծառայությամբ այն ժամանակ, երբ դրանք առավել ակտուալ են, իսկ մնացած 10%-ը՝ ապագայի կամ պարզապես հետաքրքրասիրության բավարարման համար: Հետևաբար, եթե ցանկանում եք, որ ձեր առաջարկը լավ արձագանք ստանա, այն պետք է անել ակտուալ լինելու ժամանակ: 

Հայտնեք պոտենցիալ հաճախորդին, որ դուք ունեք այնպիսի բան, որի կարիքը նա շատ ունի: Լինում են դեպքեր, երբ գնորդը գլխի չի ընկնում, որ ձեր առաջարկը իրեն համապատասխան է: Մտածեք, թե ինչպես ներկայացնեք գաղափարը այն մասին, որ ձեր ապրանքը նրան անհրաժեշտ է:

9.«Ի՞նչ երաշխիքներ կարող եք տալ հաճախորդին»:

Նոր ապրանքը անհայտություն է, դա նշանակում է, որ չգիտես՝ ինչ կստանաս: Իհարկե կարելի է փորձել համոզել հաճախորդին ռիսկի դիմել, բայց դա հիմնականում տանում է ձախողման: Հաճախորդը լավ գիտի՝ ինչ է ուզում և պատրաստ չէ ռիսկի դիմել: Եվ այստեղ ձեր խնդիրն է վստահություն ներշնչել հաճախորդին, որ նա ոչինչ չի վտանգում, երբ որոշում է գնել ձեր ապրանքը կամ օգտվել ձեր ծառայությունից: Ձեր խնդիրն է տալ երաշխիք:

Բոլորը գիտեն 14 օրվա ընթացքում սպառողների պաշտպանության ստանդարտը: Եթե ձեր ապրանքը դուր չի եկել գնորդին կամ չի համապատասխանել ինչ-որ չափանիշով, ապա նա կարող է վերադարձնել կամ փոխանակել այն 14 օրվա ընթացքում: Սա ամենատարածված և պարզ երաշխիքային տարբերակն է: Բայց որպեսզի երաշխիքը առավել արդյունավետ կատարի իր դերը և հաճախորդին գրավի, պետք է գործի դնել երևակայությունը: