5D մարքեթինգ. շուտով բոլոր առաջատար ընկերություններում

Եթե երբևէ հետաքրքրված եք եղել մարքեթինգով, ապա անպայման հանդիպած կլինեք 4P-ին (product, price, promotion, place) և դրա ընդլայնված տարբերակներին: Դասական այս մոտեցումը, իհարկե, պետք է իմանալ, սակայն այն այլևս չի տալիս հստակ պատկերացում ժամանակակից սպառողի հայտերի մասին:  

2020-ի սկզբում մոլորակի բնակչության 59%-ը՝ 4,54 միլիարդ մարդ, ակտիվ կերպով օգտվում է համացանցից: Մոտակա տարիներին, հաշվի առնելով տեխնոլոգիական առաջընթացի տեմպերը, այս թիվը գնալով աճելու է: Ելնելով սրանից՝ բնական է, որ փոխվում են նաև մարքեթինգային մոտեցումները: Արդյունքում առաջարկվել են ինովացիոն մարքեթինգի 5D նոր բաղադրիչները՝

• Discover the Customer centric solutions  

Բիզնեսում պետք է միշտ փորձել տալ հաճախորդակենտրոն լուծումներ: Շեշտը ոչ թե ընկերության կամ ապրանքի վրա պետք է դրվի, այլ վերջնական սպառողի: Առաջինը պետք է ստեղծվի ոչ թե ապրանքը կամ ծառայությունը՝ ինչպես արվել է նախկինում, այլ պետք է ուսումնասիրվեն գնորդի ցանկություններն ու խնդիրները:

• Define an Omni channel strategy for customer engagement  

Այս մարքեթինգային տերմինը ենթադրում է հաղորդակցման տարբեր ալիքների ինտեգրում մեկ համակարգի մեջ, ինչի նպատակն է  հաճախորդի հետ անընդհատ հաղորդակցության ապահովումը: Նա իրեն հավասարապես լավ պետք է զգա ցանկացած տեղով գնում կատարելիս՝ անձամբ, սմարթֆոնով կամ պլանշետով: Չէ՞ որ օնլայն գնումների ծավալը գնալով մեծանում է, հետևաբար պետք է  ապահովել սպասարկման բարձր մակարդակ նաև թվային հատվածում:

• Design Customer Journey Maps  

Կարևորություն է պետք տալ գնորդի՝ դեպի գնումը տանող ճանապարհորդության քարտեզին: CJM-ը հաճախորդի՝ պրոդուկտի հետ փոխազդելու վիզուալիզացման գործիք է, որի շնորհիվ բիզնեսը հստակ հասկանում է, թե ովքեր են կազմում իր թիրախային լսարանը, ինչու են նրանք ընտրում տվյալ արտադրանքը կամ ինչն է նրանց դրդում գնել մրցակցի պրոդուկտը:Անգամ կորոնավիրուսի պայմաններում շատ  ընկերություններ կարողացան շարունակել իրենց գործունեությունը՝ տեղափոխվելով օնլայն հարթակ և կարողացան թվային տեխնոլոգիաների շնորհիվ պատկերացում կազմել անգամ առցանց այցելուների մասին:  

• Drive Customer adoption of Omni channels  

Հաճախորդը պետք է մոտիվացված լինի ընկերության հետ տարբեր ուղիներով շփվելու համար: Շնորհիվ թվային տեխնոլոգիաների՝ ընկերությունների և հաճախորդների հարաբերությունները մտան մի նոր փուլ: Միաժամանակ բազմաթիվ ուղիներով հաճախորդների  հետ շփման մոտեցումը (Omni channel approach) ենթադրում է գնորդի պահանջմունքների մասին հստակ պատկերացման կազմում, իսկ վերջինս էլ սպասում է սպասարկման բարձր մակարդակ վաճառքի բոլոր ուղիներում:

• Deliver an excellent Customer experience through agile approach

Հաճախորդը պետք է գոհ մնա իր ստացած փորձից՝ շնորհիվ ձեր ճկուն մոտեցումների: Ինչ էլ անեք նրա համար,  նա ավելի հակված է՝ հիշելու վատ փորձը: Դուք կարող եք տարիներ շարունակ դրական էմոցիաներ առաջացնել հաճախորդի մոտ, սակայն եթե մեկ անգամ բացասական փորձի պատճառ դառնաք, ձեզ չեն ներելու: Յուրաքանչյուր փուլում հաճախորդը սերտորեն շփվում է ընկերության հետ և ցանկանում է սպառողական կենսապարբերաշրջանի ողջ ընթացքում ստանալ միայն որակյալ սպասարկում ու հետադարձ կապ:

Սկսած ծանոթացման փուլից՝ պահեք ընկերական հարաբերություններ հաճախորդների հետ, այլապես հիմա սոցիալական կայքերի հասանելի լինելու պատճառով անհատը կարող է բացասական կարծիքն արտահայտել համացանցում, և դա շատ արագ կտարածվի: Դրական կարծիքի արտահայտման դեպքում, ցավոք, հրապարակումն այդքան արագ չի տարածվում, հենց  այս պատճառով պետք է փորձել բավարարել հաճախորդների սպասումները և անգամ գերազանցել դրանք:  

Իսկ բոլոր նրանց, ովքեր դեռևս չեն ընդունում թվային հարթակներում գնորդների ունեցած ազդեցությանը, Բրենդոն բլոգում ունենք մի նյութ, որը ևս խորհուրդ ենք տալիս ուսումնասիրել՝ Սպառողների 99%-ը կարդում է ինտերնետային review-ները:

Մաղթում ենք բոլորին հաճելի ընթերցանություն՝ հիշեցնելով, որ Բրենդոնի պրոֆեսիոնալները սպասում են Ձեր բիզնեսի նետած հետաքրքիր մարտահրավերներրին: Եթե ցանկանում եք կազմակերպել Ձեր ընկերության առաջխաղացումը Բրենդոն մարքեթինգային ընկերության միջոցով, մենք սպասում ենք Ձեր զանգին՝ 055 999 015: