Լավ մշակված ռեզյումեն թեկնածուին առանձնացնում է դիմորդների ամբոխից և ավելի մեծ հնարավորություն է տալիս նրան հարցազրույցի հրավեր ստանալու համար: Քանի որ ՄՌԿ մասնագետները ստանում են տասնյակ նամակներ, տարբերվող և գրագետ ռեզյումե ներկայացնելը անհրաժեշտ է դառնում․ այն ապահովում է առաջին տպավորությունը։ Բրենդոնի այսօրվա բլոգում կներկայացնենք գրագետ CV կազմելու մի քանի կանոն։
Ռեզյումեն այն անձի պրոֆիլն է, ով աշխատանք է փնտրում: Ռեզյումեի նպատակն է օգնել գործատուին և դիմորդին գտնել միմյանց և հասկանալ, որ նրանք իսկապես համապատասխանում են միմյանց: Ռեզյումեի հիման վրա գործատուն գնահատում է դիմողի աշխատանքային փորձը և մասնագիտական ձեռքբերումները և դրանք փոխկապակցում նրանց պահանջների հետ: Եթե թեկնածուն չունի փորձ և ձեռքբերումներ կամ դրանք բավարար չեն, գործատուն գնահատում է անձի կրթությունն ու անձնային որակները և որոշում՝ ըստ այդ չափանիշների, նա համապատասխանում է աշխատանքին, թե ոչ։
Ռեզյումե գրելու սկզբունքները
Հակիրճություն. ռեզյումեն պետք է զբաղեցնի երկու A4 էջ, իսկ ինֆորմացիան պետք է լինի հակիրճ, բայց համապարփակ: Ներառեք միայն այն տվյալները, որոնք, ձեր կարծիքով, օգտակար կլինեն գործատուին, որպեսզի գնահատի ձեզ՝ որպես պոտենցիալ աշխատող, և որոշի՝ հրավիրե՞լ ձեզ հարցազրույցի, թե՞ ոչ: Եթե դուք դիմում եք հաշվապահի հաստիքի համար, ապա ձեզ հարկավոր չէ գրել, որ գիտեք, թե ինչպես օգտագործել գրասենյակային սարքավորումներ և ծրագրեր: Հաշվապահը բնականաբար գիտի, թե ինչպես դա անել:
Հստակություն. ռեզյումեի տեղեկատվությունը պետք է լինի կոնկրետ: Պետք չէ նկարագրել այն ամենը, ինչը չի վերաբերում պաշտոնին։ Օրինակ, եթե դիմում եք հաշվապահի պաշտոնի համար, ապա ձեզ հարկավոր չէ խոսել ուսուցչական փորձի կամ մերսող թերապևտի լրացուցիչ կրթության մասին:
Ճշմարտություն. մի չափազանցեք և մի՛ զարդարեք ձեր աշխատանքային փորձը, հմտությունները, ձեռքբերումները կամ այլ տեղեկությունները: Ցանկացած խաբեություն վաղ թե ուշ ակնհայտ կդառնա, օրինակ, երբ դուք բախվում եք աշխատանքի և չեք կարողանում գլուխ հանել դրանից: Ռեզյումեն պետք է լինի ազնիվ և ճշմարիտ:
Ընտրողականություն. CV-ի տեղեկատվությունը պետք է լինի ընտրովի, այսինքն՝ ուղղված լինի կոնկրետ նպատակի՝ հստակ պաշտոնում աշխատանք ստանալուն։ Այսպիսով, եթե դուք դիմում եք հաշվապահի պաշտոնի համար, ապա ձեր ռեզյումեն պետք է պարունակի տեղեկատվություն հաշվապահության ոլորտում ձեռքբերումների, աշխատանքային փորձի և կրթության մասին։
Ուսումնասիրություն․ ռեզյումե գրելուց առաջ ուսումնասիրեք շուկան։ Նայեք առաջարկին և պահանջարկին, որպեսզի որոշեք ձեր ակնկալիքները և ոլորտում մրցակցությունը: Ռեզյումե գրելիս չպետք է նկարագրեք ձեր ողջ կյանքի փորձը: Սա ամենահաճախ հանդիպող սխալն է: Դուք պետք է հասկանաք կենսագրության և ռեզյումեի տարբերությունը:
Փորձեք նաև տեղեկատվություն ներկայացնել այնպես, որ գործատուն անմիջապես տեսնի ձեր ձեռքբերումները նախորդ աշխատանքում և այն օգուտները, որոնք դուք բերել եք բիզնեսին: Դա անելու համար ցույց տվեք ձեր նախորդ աշխատանքի արդյունքները: Օրինակ, դուք օպտիմիզացրել եք բիզնես գործընթացները, ավելացրել եք վաճառքը 30%-ով և կրճատել միավորի ծախսերը: Քչերին կհետաքրքրի այն փաստը, որ դուք ավելացրել եք ձեր ընթերցանության արագությունը կամ սկսել եք ավելի քիչ սուրճ խմել, եթե դա երկարաժամկետ հեռանկարում չի ազդի շահույթի վրա:
Եթե տիրապետում եք օտար լեզվի, ապա անպայման նշեք մակարդակը: Ներկայումս լեզուների իմացությունը լավ առավելություն կլինի ձեզ համար նմանատիպ փորձ ունեցող մրցակիցների նկատմամբ, հատկապես, եթե ձեր մակարդակը միջինից բարձր է: Դուք կարող եք ավելացնել, որ պատրաստ եք առաջարկություններ տրամադրել՝ ըստ պահանջի:
Եթե ձեր ռեզյումեն ուղեկցող նամակի հետ միասին ուղարկում եք հավաքագրողին էլ․ փոստով, ժամանակ տրամադրեք Word կամ PDF ձևաչափով փաստաթուղթ ստեղծելու համար: Ոչ կաղապարային ռեզյումեն ձեր հետաքրքրության և կազմակերպվածության ցուցանիշն է:
Ինքնաներկայացումը կարևոր գործոն է ամեն ոլորտում։ Մի քանի պարզ հմտությունների շնորհիվ կկարողանաք լավ տպավորություն գործել և ձեռք բերել աղդեցիկ կապեր։ Շարունակեք հետևել Բրենդոնի բլոգին, մշակեք ձեր անձի մարքեթինգը։ Ընթերցեք նաև «Անազնիվ գովա՞զդ, թե՞ պրոֆեսիոնալիզմ: 10 խորամանկ հնարք» բլոգը։