Որո՞նք են աշխարհում ամենավաճառվող ապրանքները

Հրապարակվում և ամեն տարի թարմացվում է աշխարհում ամենից շատ վաճառվող ապրանքների ցանկը: Վստահ կարող ենք ասել, որ այս ապրանքների մեծամասնությունից ինքներդ էլ գնած կլինեք, ուստի եկեք ծանոթանանք լեգենդ դարձած այս բրենդների տարեկան վաճառքի ծավալներին:

1. COCA COLA

Օրական վաճառքը այժմ կազմում է մոտ 1.800.000.000: Ըստ վիճակագրության 10 մարդուց 2-ը ամեն օր խմում է Coca Cola:

2. LAY’S

Միայն ԱՄՆ-ում տարեկան վաճառվում է 633.000.000 տուփ: Այժմ գոյություն ունի այս չիպսերի ավելի քան 160 տարբեր համ:

3. PLAY STATION

1995թ. սկսած՝ վաճառվել է տարբեր մոդելների ընդհանուր առմամբ 344.000.000 նմուշ:

4. TOYOTA COROLLA

1966թ. սկսած՝ վաճառվել է 40.700.000 մեքենա: Եթե նրանցից շարք կազմվի, ապա այս շարքը կձգվի Նյու Յորքից Լոս Անջելես ու հակառակ ուղղությամբ 48 անգամ:

5. IPAD

2010թ. սկսած՝ 211.000.000 պլանշետ է վաճառվել: Իսկ սրանցից կազմված շղթան կարող է անցնել ողջ երկրագնդով:

6. ANGRY BIRDS

Խաղը, ստեղծման պահից սկսած, բեռնվել է 2.000.000.000 անգամ: Խաղը պատրաստվել է 4 հոգանոց թիմի կողմից և արժեցել է 70.000 ֆունտ ստերլինգից պակաս:

7. ՄԱՅՔԼ ՋԵՔՍՈՆԻ “THRILLER” ԱԼԲՈՄԸ

1982թ. սկսած՝ վաճառվել է 120.000.000 օրինակ, իսկ համանուն երգի տեսահոլովակի նկարահանումն արժեցել է մոտ կես միլիոն դոլար:

8. HARRY POTTER ԳՐՔԵՐԻ ՇԱՐՔԸ

1997թ. սկսած՝ վաճառվել է 470.000.000 գիրք:

9. IPHONE

2007թ. ի վեր վաճառվել է 516.000.000 հեռախոս, ինչը գերազանցում է Եվրոպայի բնակչության թվաքանակը:

10. ՌՈՒԲԻԿԻ ԽՈՐԱՆԱՐԴՆԵՐԸ

1980թ. սկսած՝ վաճառվել է 400.000.000 նմուշ, ինչը մոտ 35 անգամ գերազանցում է խաղի ծննդավայրի՝ Հունգարիայի բնակչության քանակը: Այժմ խորանարդի հավաքման աշխարհի ռեկորդը 3,475 վայկյան է:

Իսկ եթե ցանկանում եք տեղեկանալ այն հնարքներից, որոնք կիրառվում են գովազդներում, կարող եք անցնել այս հղմամբ և  ընթերցել մեր՝ «10 կարճ փաստ գովազդի մասին» նյութը: Վստահ ենք, որ չեք ձանձրանա: