2025-ը մեզ կանգնեցնում է մի իրականության առաջ, որտեղ սպառողները այլևս պարզապես գնորդներ չեն։ Նրանք մտածող, զգացող, արժեքներ ունեցող մարդիկ են՝ պահանջկոտ ու հետաքրքրասեր։ Եվ եթե բրենդը ուզում է մրցունակ լինել, պետք է ոչ թե պարզապես վաճառի, այլ կապ ստեղծի։ Այս ամենը արմատապես փոխում է մարքեթինգային ռազմավարությունների բնույթը՝ նոր մարտահրավերների ու հնարավորությունների դաշտ բացելով մարքեթինգային ընկերությունների համար։
1․ Զգացողությունները՝ որոշումների հիմքում
Երբ սպառողը ընտրում է սուրճի բրենդ, նա պարզապես համ չի փնտրում։ Նա մտածում է՝ արդյոք այս ապրանքանիշը պաշտպանում է բնությունը, արդյոք արդար է վերաբերվում աշխատողների հանդեպ, արդյոք համապատասխանում է իր արժեհամակարգին։ Եվ հենց այդ պահին նա ընտրում է ոչ թե ապրանքը, այլ պատմությունը։ Այս փոփոխությունը մարքեթինգային ծառայություններ մատուցող ընկերություններից պահանջում է ավելի խորը, բովանդակային աշխատանք՝ արժեքների ու զգացմունքների վրա հիմնված բրենդինգ։
2․ Համայնքները խոսում են, մենք լսում ենք
Այսօր մարդկանց համար ավելի կարևոր է, թե ինչ է ասում նրանց նման մեկը, քան թե՝ ինչ է ասում բուն բրենդը։ Երբ TikTok-ում մի երիտասարդ պատմում է՝ ինչպես է իր սիրած կրեմը լուծել իր մաշկային խնդիրը, մենք հավատում ենք։ Իսկ երբ այդ նույն երիտասարդը հաճախում է սիրելի սրճարանն ու անկեղծորեն պատմում դրա մթնոլորտի մասին՝ դա շատ ավելի արժեքավոր է, քան գունեղ գովազդային վիդեոն։ Համայնքակենտրոն բովանդակությունը այսօր վստահության նոր արժույթն է։
3․ Արհեստական բանականությունը՝ որպես հոգատար ընկեր
AI-ն 2025-ին այլևս ոչ թե նորամուծություն է, այլ ակնկալիք։ Երբ առցանց խանութը “հիշում է” մեր նախընտրությունները, կամ բջջային հավելվածը «գուշակում» է, թե ինչ ենք փնտրում, մենք զգում ենք՝ մեզ ուշադիր լսում են։ Անհատականացված առաջարկները դարձել են ոչ թե հաճելի անակնկալ, այլ անհրաժեշտություն։ Իսկ դա նշանակում է, որ ժամանակակից մարքեթինգային ռազմավարությունն առանց AI-ի պարզապես անավարտ է։
4․ Պարզությունն ու արագությունը՝ նոր շքեղություն
Մարդիկ հոգնել են բարդությունից։ Մենք ուզում ենք ամեն ինչ պարզ, արագ ու անկեղծ։ Եթե կայքը բարդ է, էջերը դանդաղ են բեռնվում, կամ գները թաքնված են՝ մենք հեռանում ենք։ Հաղթում են այն բրենդները, որոնք համարձակորեն ընտրում են պարզությունը։ Ու հենց այս դեպքում է, որ մարքեթինգային ընկերությունը պետք է իր զինանոցում ունենա ոչ միայն գեղեցիկ մտքեր, այլև ուժեղ UX մասնագետներ։
Եզրահանգում
2025-ը մեզ ասում է՝ մոռացեք հին կանոնները։ Այժմ հաղթում են այն բրենդները, որոնք անկեղծ են, էմոցիոնալ, տեխնոլոգիապես ճկուն և մարդկային։ Իսկ այդպիսի բրենդ լինելու համար պետք է ունենալ խելացի, նորարար և ուշադիր մարքեթինգային ծառայություններ առաջարկող գործընկեր։ Որովհետև լավ մարքեթինգն այսօր պարզապես վաճառք չէ։ Դա՝ կապ է։ Իսկ կապ ստեղծելու համար պետք է ճանաչել մարդկանց։