Սոցիալական մեդիայի կառավարումը արդեն վաղուց դադարել է լինել միայն «պոստեր անել» ու «լայքեր հավաքել»։ Այսօր դա մի ամբողջ գիտություն է՝ ռազմավարություն, վերլուծություն, ստեղծագործություն և, իհարկե, տեխնոլոգիաներ։ Եվ որպեսզի քո SMM աշխատանքը լինի արդյունավետ, պետք է լավ զինված լինես ճիշտ գործիքներով։
BrandOn-ի հերթական բլոգում կներկայացնենք 10 գործիք, որոնք կարող են խնայել ժամանակ, ուժ և նույնիսկ՝ նյարդեր։
1․ Meta Business Suite․ եթե աշխատում ես Facebook և Instagram հարթակներում, սա քո բազային շտաբն է։ Այստեղ կարող ես ծրագրել հրապարակումները, պատասխանել հաղորդագրություններին և հետևել արդյունքներին մեկ տեղում։
2․ Canva․ դիզայներ չե՞ս։ Կարևոր չէ։ Canva-ն թույլ է տալիս ստեղծել գրավիչ վիզուալներ առանց բարդ ծրագրերի։ Պատրաստի շաբլոնները և հեշտ խմբագրումը կօգնեն արագ հարմարեցնել դիզայնը քո թիրախային լսարանի ճաշակին։
3․ Google Analytics․ SMM-ն առանց թվերի նման է նավարկելու առանց կոմպասի։ Google Analytics-ը ցույց է տալիս, թե որ սոցիալական ցանցից է գալիս ամենաշատ տրաֆիկը և ինչն է իրականում աշխատում։
4․ Buffer կամ Hootsuite․ եթե կառավարում ես մի քանի հարթակ, այս գործիքները թույլ կտան ամեն ինչ ծրագրել և հետևել հրապարակումների արդյունքներին մեկ հարթակից։
5․ ChatGPT․ երբ գաղափարները սպառվում են կամ պետք է արագ գրել գրավիչ տեքստ, արհեստական բանականությունը կարող է դառնալ լավագույն գործընկերդ։ Իհարկե, միշտ ավելացրու քո յուրահատուկ ոճը։
6․ Trello կամ Asana․ սոցիալական մեդիայի կառավարումը նաև թիմային աշխատանք է։ Այս հարթակներում կարող ես կազմակերպել առաջադրանքները, հետևել ժամանակացույցին և չմոռանալ ոչինչ։
7․ Facebook Ads Manager․ թիրախային լսարանին հասնելը պարզապես «բախտի բան» չէ։ Ads Manager-ը թույլ է տալիս ճշգրիտ ընտրել, թե ով կտեսնի քո գովազդը՝ ըստ հետաքրքրությունների, տեղանքի և վարքագծի։
8․ CapCut կամ InShot․ վիդեոն այսօր սոցիալական մեդիայի արքան է։ Այս հավելվածներով կարող ես արագ մոնտաժել Reels-եր և TikTok-եր՝ առանց պրոֆեսիոնալ ստուդիայի։
9․ Brandwatch կամ Mention․ լավ SMM մասնագետը պետք է լսի, թե ինչ է ասում իր թիրախային լսարանը։ Այս գործիքները հետևում են բրենդի հիշատակումներին և թույլ են տալիս արագ արձագանքել։
10․ Google Trends․ գիտե՞ս՝ ինչ թեմաներ են հիմա թրենդում։ Այս գործիքը կօգնի բռնել ալիքը ժամանակին և ստեղծել այնպիսի բովանդակություն, որ կգրավի լսարանի ուշադրությունը։
Սոցիալական մեդիայի կառավարումը միաժամանակ արագավազք և մարաթոն է․ պետք է արագ արձագանքել թրենդներին, բայց նաև երկարաժամկետ մտածել։ Իսկ ճիշտ գործիքները քեզ կօգնեն խնայել ժամանակը և կենտրոնանալ ամենակարևորի վրա՝ քո թիրախային լսարանի հետ կապի ստեղծման և արժեքի հաղորդման վրա։