Վերջին տարիներին արհեստական ինտելեկտը (AI) ոչ միայն մտել է մեր առօրյան, այլև սկսել է փոխել այն ոլորտները, որոնք նախկինում բացառապես «մարդու ձեռքի աշխատանք» էին։ Գրաֆիկ դիզայնն ու բրենդինգը հենց այդպիսի ոլորտներից են։ Եթե նախկինում ընկերությունները ամիսներով էին մտածում լոգոյի, գունային պալիտրայի կամ վիզուալ ոճի շուրջ, ապա այսօր AI գործիքները առաջարկում են լուծումներ մի քանի րոպեում։ Բայց արդյո՞ք սա նշանակում է, որ դիզայները կորցնում է իր մասնագիտությունը։ Ո՛չ։ Սա նշանակում է, որ դիզայների դերը փոխվում է, իսկ հնարավորությունները՝ ընդլայնվում։
Ինչպես AI-ը օգնում է բրենդինգին
Բրենդինգը միայն գեղեցիկ լոգոն չէ․ այն պատմություն է, արժեքներ ու զգացմունքներ, որոնք փոխանցվում են դիզայնի միջոցով։ Այստեղ AI-ը դառնում է հզոր գործիք՝
Տվյալների վերլուծության համար․ AI-ը կարող է վերլուծել մրցակիցներին, շուկայի տենդենցները և առաջարկել այնպիսի գունային ու ոճային լուծումներ, որոնք ավելի մրցունակ են։
Արագ գաղափարների ստեղծման համար․ եթե ուզում ես պատվիրել բրենդինգ և ստանալ մի քանի տարբերակ, AI-ի միջոցով հնարավոր է ունենալ տասնյակ յուրօրինակ մոտեցումներ՝ վայրկյանների ընթացքում։
Անհատականացման համար․ օրինակ, միջազգային փորձը ցույց է տալիս, որ AI-ով ստեղծված գովազդային վիզուալները կարող են ավտոմատ կերպով հարմարեցվել տարբեր թիրախային լսարանների համար։
Եթե մի կողմ դնենք թերահավատությունը, ապա AI-ը դիզայներին տալիս է սուպերուժ։
Ներշնչանքի աղբյուր․ մտածիր՝ ինչքան արագ կարող ես ստանալ տասնյակ moodboard-եր, գունային համադրություններ կամ ֆոնտերի համադրություններ։ Տեխնիկական արագացում․ այն, ինչ նախկինում պահանջում էր ժամեր (օրինակ՝ պատկերների մաքուր կտրվածք կամ mockup-ների ստեղծում), հիմա կատարվում է վայրկյանների ընթացքում։
Ստեղծագործական ազատություն․ քանի որ տեխնիկական մասը հեշտացել է, դիզայները կարող է կենտրոնանալ ավելի խորը բրենդային պատմության ու կոնցեպտի վրա։
Միջազգային փորձ
Coca-Cola-ն օգտագործել է AI վիզուալ կոնտենտի համար՝ թողնելով օգտատերերին ստեղծել իրենց տարբերակները բրենդի գովազդային նյութերից։ Սա ոչ միայն ստեղծեց հազարավոր դիզայններ, այլև մեծացրեց բրենդի ներգրավվածությունը։
Nike-ը փորձարկում է AI-ով գեներացված product visualization, որտեղ սպառողը կարող է տեսնել իր նախընտրած գույներով և դետալներով կոշիկ՝ դեռևս արտադրվելուց առաջ։
Ինչու է դեռ պետք «մարդը»
Այնուամենայնիվ, AI-ը դեռ չի կարող փոխարինել մարդկային ընկալմանը։ Այն կարող է առաջարկել լուծումներ, բայց չի հասկանում նրբերանգներ, մշակութային կոնտեքստ կամ հումոր։ Իսկ բրենդինգում հենց այդ նրբերանգներն են որոշում՝ կսիրի՞ մարդը այդ բրենդը, թե՞ ոչ։
Այսօր, եթե ուզում ես պատվիրել բրենդինգ, արդեն մտածում ես ոչ միայն «դիզայների» մասին, այլև այն գործիքների, որոնք նա կիրառում է։ AI-ը դարձել է դիզայների գործընկերը՝ արագացնելու, ոգեշնչելու և նոր գաղափարներ ստեղծելու համար։ Բայց վերջնական հաղթանակը մնում է այն թիմին, որը կարողանում է համադրել տեխնոլոգիան և մարդկային ստեղծագործականությունը։