Մինչ հայ բիզնեսմենը կասկածի տակ է դնում կայքի անհրաժեշտությունը, պոտենցիալ հաճախորդն օգտվում է արտասահմանյան կայքերից, լրացուցիչ վճարում բեռնափոխադրման համար, շաբաթներ շարունակ սպասում են ապրանքին՝ երանի տալով, որ ամեն ինչ մի փոքր հեշտ և հասանելի լիներ:
Այժմ կայքեր ունեն գերատեսչական մարմիններից սկսած մինչև մասնավոր կազմակերպություններ և նույնիսկ անհատներ: Իսկ ո՞ր ոլորտների համար է կայքն անհրաժեշտություն ու կարող է վաճառքների աղբյուր դառնալ, կքննարկենք Բրենդոնի այսօրվա բլոգում:
1. Online Shop
Առցանց խանութներում չկան հերթեր, տեսականին միշտ աչքիդ առաջ է, ֆիլտրերի շնորհիվ տեսականին ավելի հեշտ է ուսումնասիրելը, քան դարակներում: Իսկ վաճառողի տեսանկյունից առցանց խանութ ունենալը շահավետ է. ինչու՞:
• Տարածքի վարձակալման կարիք չկա:
• Տասնյակ խորհրդատու-վաճառողների կարիք չկա:
• Անգամ գովազդն օնլայն հարթակներում ավելի մատչելի է:
• Վաճառք իրականացնել հնարավոր է 24/7
2. Անձնական կամ մասնագիտական բլոգ
Որակյալ կոնտենտը միշտ էլ գնահատվում է օգտատերերի կողմից, ու հատկապես հայալեզու արդիական կոնտենտի առկայությունը կգրավի հետևորդներին: Դուք կարող եք տարածել Ձեր բլոգային հրապարակումները սոցիալական մեդիայի միջոցով, հրապարակել Guest post-եր այլ վեբկայքերում: Երբ որոշակի դիտումներ սկսեք տեսնել, օրինակ՝ սկսած ամսական 500-1000 այցելուից, կարող եք վճարովի գովազդի տեղեր հատկացնել գովազդատուներին: Մոնետիզացում հնարավոր է իրականացնել նաև՝ հրապարակելով գործընկերային հղումներ:
3. E-learning կայքեր
Հատկապես համաճարակից հետո առցանց սովորելն ու աշխատելը մտան մեր առօրյա: Մարդիկ ցանկանում են ձեռք բերել մասնագիտություն, վերապատրաստվել, սովորել լեզուներ, ու առցանց տարբերակը շատերին է հարմար: Udemy-ն կամ Coursera-ն էլ են սկսել զրոյից, ինչու՞ չփորձել վաճառել ծառայություններ՝ օգտագործելով ավելի քիչ ռեսուրսներ, քան offline դասընթացներն են պահանջում:
Բրենդոնի բլոգն էլ դարձավ առաջին հայալեզու մասնագիտական բլոգը, որում ուսանողներն արդեն գիտեն, որ կգտնեն անհրաժեշտ ամենաժամանակակից նյութերը, իսկ բիզնեսմենները կկարողանան մատչելի ձևով կարդալ անհասկանալի թվացող ոլորտների մասին:
Գումար կարող եք վաստակել նաև զուգահեռ գովազդելով թեմատիկ այլ ծառայություններ, օրինակ՝ անգլերեն սովորելու համար նախատեսված հարթակում գովազդում ենք օնլայն թարգմանիչ:
4. Landing էջ
Այն կարող է ստեղծվել որպես առանձին կամ հիմնական կայքին կից էջ: Այստեղ կարող եք ներկայացնել կոնկրետ պրոդուկտը հնարավորինս հակիրճ ու տպավորիչ ձևով: Հաճախ վայրէջքային էջերը ստեղծվում են մեկ պրոդուկտի գովազդի համար, օրինակ՝ հավելված, սմարթֆոնի մոդել կամ մեքենա: Հաճախ կայքին կից էջ պատրաստվում է հետհաշվարկի, կարճատև ակցիայի, պրոմո կոդի ներկայացման կամ վիճակահանության համար: Կախված է մասնագետի երևակայությունից:
Օգտատերերն այստեղ հայտնվում են կոնտեքստային գովազդների, սոցկայքերում միացվող թիրախային գովազդի, այլ կայքերում կամ էլեկտրոնային նամակներում տվյալ կայքի հղման վրա:
5. Ծառայությունների ոլորտը ներկայացնող վեբ կայքեր
Սա կդառնա հարթակ, որտեղ հաճախորդները կկարողանան ծանոթանալ ձեր կողմից մատուցվող ծառայությունների մանրամասներին, հերթագրվել խորհրդատվության կամ հերթական այցի համար կամ պատվիրել մասնագետի այց: Կայքին կարող է կցվել նաև հաճախորդների անձնական անկետան, որով հաստատությունը և հենց հաճախորդն էլեկտրոնային պարզեցված տարբերակով կկարողանան հետևել ծառայություններից օգտվելու ընթացքում:
Խոսքը վերաբերում է այնպիսի հաստատություններին, ինչպիսիք են՝
• Գեղեցկության կենտրոնները,
• Բժշկական հաստատությունները
• Ուսումնական կենտրոնները,
• Ծառայությունների առքուվաճառքով զբաղվող անհատներին ներկայացնող հարթակները,
• Տուրիստական ընկերությունները
6. Սննդի ոլորտ
Սննդի առցանց պատվերները դարձել են բոլորի առօրյայի մի մասը: Առաքումներ կազմակերպվում են անգամ քաղաքից քաղաք, իսկ շատ ձեռնարկատերեր մինչ հիմա զբաղվում են սննդի արտադրությամբ ու վաճառքով, սակայն կայք չունեն:
Ներկայացրեք տեսականին օնլայն, կազմեք կոմբոներներ ու ակցիաներ, ստացեք պատվերներ, կազմակերպեք առաքումներ, և այս ամենը կայքի միջոցով:
7. Subscription box
Բաժանորդագրման արկղիկների մշակույթը գնալով լայն տարածում է գտնում ամբողջ աշխարհով մեկ, քանի որ մարդիկ վճարում են սիմվոլիկ ամենամսյա գումար՝ դրա դիմաց ստանալով արժեքով ավելի բարձր ապրանքներ: Գործընկեր բրենդները ձեռք են բերում ճանաչում, իսկ վաճառքի ծավալներն աճում են օր օրի: Եթե նախկինում Subscription box-երը ամենից շատը բնորոշ էին դիմահարդարման պարագաներին, ապա այսօր կարող եք գտնել անգամ այգեգործական գործիքների բոքսեր:
Միգուցե Դո՞ւք ունեք կայքերի գաղափարներ, որոնք կարող ենք միասին իրագործել. Բրենդոնի թիմը սպասում է Ձեր մարտահրավերներին, զանգահարե՛ք մեզ 055 999015 հեռախոսահամարով, քննարկենք բոլոր մանրամասները:
Իսկ եթե հետաքրքրված եք ոլորտով, անպայման ընթերցեք Բրենդոնի բլոգի նախորդ նյութերից մեկը՝ «7 վիզուալ մարտավարություն, որոնք կբարձրացնեն լենդինգ էջի կոնվերսիան»: