Թիրախավորման 12 տարածված սխալ

Սխալ ընտրված թիրախը սպառնում է ոչ միայն հաճախորդների կորստով, այլև բյուջեի աննպատակ մսխմամբ: Որպեսզի դա տեղի չունենա, հարկավոր է ճանաչել թիրախային լսարանին, նրան ճիշտ սեգմենտավորել, թեստավորել հայտարարություններըը, ընտրել ամենաարդյունավետը, և հավատացե՛ք, սա ճիշտ աշխաանքի մի փոքր մասն է միայն: Ահա՛ խորհուրդներ, որոնք կօգնեն խուսափել ամենատարածված սխալներից և անել ճիշտ թիրախավորում:

1. Չկա բրիֆ
Խնդրե՛ք պատվիրատուին լրացնել հնարավորինս շատ ինֆորմացիա իր բիզնեսի մասին: Բրենդոնի SMM առաջխաղացման բրիֆին կարող եք ծանոթանալ այս հղմամբ:


2. Չեն ծանոթանում գովազդային օրենսդրությանը
Միշտ պետք է ստուգել՝ կան արդյոք ընկերության գործունեության ոլորտին առնչվող նրբություններ: Հատկապես պետք է լինել ուշադիր, երբ գործ ունենք հետևյալ ոլորտների հետ՝ 
•    Դեղամիջոցներ,
•    Բիոակտիվ սննդային հավելումներ,
•    Մանկական սնունդ, 
•    Ֆինանսական ծառայություններ, 
•    Արժեթղթեր,
•    Ինֆորմացիոն արտադրանք:


3. Չգիտեն սոցկայքերի կանոնները
Տարբեր արտահայտություններ, սմայլիկների սահմանված քանակ, մեմի տեսակներ կան, որոնց կիրառմամբ գովազդային հայտարարությունները չեն ստանում հաստատում: Facebook-ի և Instagram-ի կանոնադրությանը կարող եք ծանոթանալ այս հղմամբ:

4. Լսարանը չի սեգմենտավորվում
Պետք է առանձնացնել լսարանի սեգմենտները և բնորոշել դրանից յուրաքանչյուրին: Պատրաստե՛ք վարկածներ, թե ինչպես եք սոցկայքերում գտնելու նրանց, օրինակ, ըստ տարիքի, սեռի ու հետաքրքրության:
Այսպես դուք ավելի հեշտությամբ կկարողանաք կողմնորոշվել՝ ինչպիսի գովազդային ուղերձից օգտվել ու ում ուղղել տվյալ ուղերձը:


5. Մի՛ անցկացրեք անիմաստ թեստավորումներ
Երբեմն մասնագետները միաժամանակ այնքան անիմաստ թեստեր են անում, որ արդյունքները դադարում են արժանահավատ լինել: Պետք է հստակ ժամանակաշրջան վերցնել ու անել A/B թեստավորում:
Ֆեյսբուքը թույլ է տալիս անել դա հայտարարությունը պատրաստելու ընթացքում: Համակարգը հայտարարությունների ցուցադրումն այնպես է բաշխում, որ դրանք  տեսնեն նույնանման լսարաններ ու ապահովվի հավասար ուշադրություն:
Պետք է ընտրել թեստավորման օբյեկտը (նկար, տեքստ և այլն), գրաֆիկը և բյուջեն: Երբ նշված ժամկետը անցնի, Facebook-ը կընտրի ամենաարդյունավետ հայտարարությունը: Թեստավորման փոխարեն կարող եք պարզապես մի խմբի մեջ ներառել մի քանի հայտարարություն, որոնք հաջորդաբար կցուցադրվեն օգտատերերին: Խորհուրդ է տրվում օգտագործել մինչև 5 հայտարարություն, որպեսզի բոլորը հասցնեն նորմալ ցուցադրվել:

6. Կրկնօրինակել ուրիշների քեյսերը
Ինչն աշխատել է մեկի մոտ, պարտադիր չէ, որ աշխատի մնացածի մոտ ևս: Սակայն թեստավորման ու զարգացման նպատակով միշտ կարող եք դաշտի փորձն ուսումնասիրել:


7. Չի օգտագործվում պատվիրատուի հաճախորդների բազան
Մի՛ մոռացեք խնդրել պատվիրատուից նրա հաճախորդների բազան: Սա ամենատաք լսարանն է, որին կարող եք ցուցադրել գովազդն, իսկ այնուհետև պատրաստել նրան look-alike լսարան: Անգամ ամենափոքր բազայի վերլուծությունը կարող է նոր գաղափարների աղբյուր դառնալ գովազդի համար:


8. Պատվիրատուի կայքում պիքսել չի տեղադրվում
Պիքսելի տեղադրումը թույլ է տալիս հավաքել կայքի այցելուներին ու այնուհետև հայտարարությունը հենց նրանց ցույց տալ, ընդ որում հնարավոր է ֆիլտրել անգամ նրանց խմբերը: Օրինակ՝ հնարավոր է գովազդ ցուցադրել նրանց, ովքեր այցելել են կայք վերջին x ժամանակահատվածում, մտել են կոնկրետ էջ, պատվեր են տվել և այլն:  

9. Չի մշակվում բրենդի հետ սոցկայքերում փոխազդող լսարանը
Կարող եք միացնել գովազդ կոնկրետ այն մարդկանց համար, ովքեր նախկինում ինչ-որ ձևով փոխազդել են բրենդի էջի հետ սոցկայքերում:  Facebook-ում դա հնարավոր է անել լսարան բաժնում՝ ընտրելով ինդիվիդուալացված լսարան ենթաբաժինը: 

10. Չեն օգտագործվում UTM-նշումներ
Դրանց միջոցով հնարավոր է վերլուծել գովազդային հայտարարությունների արդյունավետությունը ու հստակ որոշել՝ դրանցից որն է, օրինակ, ապահովում առավել շատ գրանցումներ: Ողջ վիճակագրությանը հնարավոր է ծանոթանալ  Яндекс.Метрика և Google Analytics հաշվիչներում:


11. Չեն դրվում սահմանաչափեր
Հարկավոր է գովազդային արշավների վրա դնել օրական և ընդհանուր բյուջետային սահմանափակումներ, այլապես հնարավոր է անգամ մեկ գիշերվա մեջ սպառել արշավի ողջ գումարը: 


12. Ճիշտ չեն վերլուծվում արդյուավետության ցուցանիշները
Գրավիչ հայտարարություն կազմելը, դրա բարձր CTR-ը  ու ցածր քլիքի գինը մեծ առավելություն են տալիս արված աշխատանքին, սակայն երբեմն դա կարող է ոչինչ չնշանակել: Պետք է հստակ հասկանալ, թե որն է սպասվող նպատակն ու որքան է մարդ պատրաստ վճարել դրա դիմաց: 

Սա թիրախավորման մասնագետի բոլոր սխալները չեն, սակայն նույնիսկ այսքանը հաշվի առնելը կբարձրացնի գովազդային հայտարարության արդյունավետությունը: Հետաքրքե՞ց այս թեման, ուսումնասիրե՛ք նաև մեր պատրաստած «Օնլայն սերտիֆիկացում թիրախավորման մասնագետնետի համար` MyTarget» բլոգը, քանի որ առանց ճիշտ թիրախավորման ամենալավ գովազդային հայտարարությունն անգամ չի ունենա սպասված հաջողությունը: