COVID-19-ի ֆոնին մարդիկ 20% ավել ժամանակ են անցկացնում հավելվածներում

Վիրուսի տարածումն ու մեկուսացումը մարդկանց ստիպում է գտնել նոր զբաղմունքներ, ու հատկապես եթե տնից աշխատելու հնարավորություն չկա, մարդիկ կա՛մ սկսում են զբաղվել իրենց հոբբիներով, կա՛մ խորասուզվում են բջջայինների ու համակարգիչների մեջ: App Annie-ն հանրությանն է ներկայացնել նոր հաշվետվություն, որում համեմատել է հավելվածներում մարդկանց ծախսած այժմյան ժամանակը նախորդ տարվա նույն ցուցանիշի հետ:

•    1 շաբաթվա կտրվածքով 20%-ով ավելացել է Android սարքավորումներով հավելվածներից օգտվելու ժամանակահատվածը: 
•    iOS-ի և Android-ի հավելվածների վրա օգտատերերի կողմից ծախսվող գումարը աճել է համապատասխանաբար 15% և 5%-ով՝ կազմելով 15,1 միլիարդ և 8,3 միլիարդ ԱՄՆ դոլար:
•    2020 թվականի առաջին եռամսյակում ծախսված վերը նշված 23,4 միլիարդ ԱՄՆ դոլարը համաշխարհային ռեկորդ է դարձել:
•    2019 թվականի վերջին եռամսյակի հետ համեմատած՝ Իտալիայի բնակիչների՝ հավելվածներում անցկացրած ժամանակը 2020-ի առաջին եռամսյակում աճել է 30%-ով, Ֆրանսիայի բնակիչներինը՝ 15%-ով, իսկ ԳԵրմանիայի ու ԱՄՆ-ի բնակիչներինը՝ 10%-ով:
•    Google Play-ից հավելվածների բեռնումները մեկ տարում աճել են 5%-ով՝ կազմելով 22,5 միլիարդ, իսկ նույն ցուցանիշը iOS-ի համար աճել է 15%-ով՝ դառնալով 9 միլիարդ: 
•    Google Play-ում ոչ խաղային են եղել բեռնումների 55%-ը, իսկ iOS-ում՝ 65%-ը:
•    2020-ի առաջին եռամսյակում աշխարհի մասշտաբով ամենաշատ բեռնված հավելվածներն են TikTok-ը, WhatsApp-ը և Facebook-ը:
•    iOS-ի բիզնես հավելվածների առաջատարը 114 երկրում Zoom-ն է, որի բեռնումները համաշխարհային մակարդակով աճել են 20 անգամ՝ կապված վիդեոկոնֆերանսների ու օնլայն ուսուցման անհրաժեշտության հետ:

Ահա ինչպիսի էական ազդեցություն է ունենում վիրուսն անգամ դրա հետ առաջին հայացքից ոչ մի կապ չունեցող ոլորտի վրա: Իսկ ցանկանու՞մ եք իմանալ սոցկայքերի կոնտենտի վրա կորոնավիրուսի ազդեցության մասին, անպայման ծանոթացեք մեր պատրաստած «Ինչպես կորոնավիրուսն ազդեց Facebook-ի և Instagram-ի գովազդների վրա» հոդվածին ևս: 
Բրենդոնի այսօրվա նորությունն էլ սա էր, իսկ բոլոր նրանք, ովքեր ցանկանում են համագործակցել մեզ հետ կամ ծանոթանալ մեր ծառայություններին, կարող եք զանգահարել մեզ 055 999 015  հեռախոսահամարով: