Ինչպե՞ս բարձրացնել բիզնես էջի սթորիների արդյունավետությունը Ինստագրամում
Հենց Ինստագրամի աշխատակիցները պարբերաբար տալիս են խորհուրդներ էջերի վարման հարցում, որոնք կարող եք կիրառել ինչպես անձնական բնույթի կոնտենտի հրապարակման ժամանակ, այլև բիզնես էջերն առաջ մղելիս: Այսօրվա բլոգը նվիրված է բիզնես էջերի սթորիների բարելավմանը: Խոսքը վերաբերում է ոչ միայն հենց կոնտենտին, այլև դրա ձևավորման ու ներկայացման ձևին:
Ահա՛ թե ինչ է խորհուրդ տրվում բիզնես էջերին՝
1. Ի՞նչ ցուցադրել Stories-ում
• Ձեր օրը
Թու՛յլ տվեք հետևորդներին տեսնել Ձեր առօրյան: Արդեն նշել ենք, որ «ետնաբեմը» մարդկանց ամենից շատն է հետաքրքրում: Հետևորդները նախընտրում են կենդանի, էմոցիաներով լեցուն կոնտենտ:
• Կարծիքներ
Կարող եք խնդրել հետևորդներին կիսվել Ձեր պրոդուկտի մասին կարծիքներով իրենց սթորիներում, այնուհետև կարող եք դրանցից լավագույններով կիսվել Ձեր սթորիում:
• Բիզնեսի պատմությունը
Պատմե՛ք՝ ինչից է սկսվել Ձեր բրենդի պատմությունը, որն է նրա առաքելությունը, ինչ խնդիրների եք հանիպել ու ինչպես եք դրանք լուծել: Պարզապես կիսվե՛ք հետաքրքիր պատմություններով, որոնք ցույց կտան Ձեր բրենդի դեմքը:
• Ապրանքների ու ծառայությունների առանձնահատկությունները
Stories-ն օգտագործե՛ք Ձեր արտադրանքի մասին լսարանին մանրամասնորեն պատմելու համար, հայտարարե՛ք վաճառքի մեկնարկի կամ արտադրանքի թարմացումների մասին: Եթե բիզնեսը կապված է ծառայությունների մատուցման հետ, ապա ցու՛յց տվեք մարդկանց, թե ինչպես եք դա անում: Ուսումնասիրությունների արդյունքում պարզ է դարձել, որ հարցված մարդկանց մոտ կեսը Facebook-ի սթորիները դիտելուց հետո ավելի հակված են անցնել ընկերության կայք:
• Տվե՛ք խորհուրդներ
Ցու՛յց տվեք մարդկանց, թե ինչպես պետք է նրանք օգտագործեն Ձեր ապրանքներն ու ծառայությունները:
2. Ինչպե՞ս սթորի ստեղծել
• Խառնե՛ք գույները,
• Օգտագործե՛ք «կաթոցիչ» գործիքը, որպեսսի կարողանաք նկարից վերցնել գույնն ու ընտրել այն որպես վրձնի կամ տեքստի գույն,
• Տեքստի տակ ֆոնային որևէ գույն կիրառե՛ք,
• Իրար վրայից դրե՛ք նույն տեքստը մի քանի գույնով, որպեսզի այն ուռուցիկ տեսք ստանա:
• Տեքստային սթորիների համար կիրառե՛ք գրադիենտային ֆոն:
3. Ինչպե՞ս օգտագործել սթիքերներ
• Արտահայտե՛ք Ձեր էմոցիաները համապատասխան սմայլիկների և սթիքերների միջոցով,
• Պատմե՛ք սթիքերների միջոցով, թե որտեղ եք՝ թեգ արե՛ք հաստատությունը կամ քաղաքը,
• Օգտագործե՛ք GIF-եր:
4. Ինչպե՞ս սթորին ավելի ինտերակտիվ դարձնել
• Պետք է պարբերաբար անց կացնել ուղիղ եթերներ՝ նախապես տեղյակ պահելով դրանց մասին:
• Հետաքրքրություն առաջացրե՛ք մարդկանց մոտ՝ տեղադրելով հետհաշվարկի սթիքերը: Սա հատկապես արդյունավետ է նոր պրոդուկտի հայտարարման կամ կարևոր իրադարձության ժամանակ:
• Կիրառելով հարց ու պատասխանի սթիքերը՝ պատասխանե՛ք հետևորդների հարցերին:
• Անց կացրե՛ք հարցումներ՝ պարզելու համար ինչ են սիրում կամ ինչ չեն սիրում Ձեր հետևորդները:
• Հիշեցրե՛ք հետևորդներին, որ նրանք Ձեր սթորիներին կարող են արձագանքնել՝ գրելով անձնական հաղորդագրություն:
• Անց կացրե՛ք վիկտորինաներ՝ վերածելով այն խաղի ու տալով հաղթողներին մրցանակներ:
Դե ինչ, հուսով ենք կկիրառեք այս խորհուրդները Ձեր էջերում, ու կկիսվեք մեզ հետ արդյունքներով, իսկ մենք հիշեցնենք, որ կարող եք ծանոթանալ նաև մեր նախորդ բլոգին՝ «10 գործիք Instagram-ում գրավիչ սթորիներ ստանալու համար»:
Բրենդոնը մատուցում է SMM-ի պրոֆեսիոնալ ծառայություններ տասնյակ բիզնեսների համար, իսկ սոցկայքերը բիզնեսի զարգացման համար մեր օրերում առանցքային դեր են կատարում, ուստի վստահե՛ք մեզ Ձեր բիզնես էջերի վարումը, և արդյունքը երկար չի սպասեցնի: Մանրամասներին կարող եք ծանոթանալ` զանգահարելով 055 999 015 հեռախոսահամարով:
