Վեբ կայքերի պատրաստում: Ինչպե՞ս ստանալ landing page:

Landing page կամ վայրէջքային էջը ցանկացած էջ է, որն օգտատիրոջը դրդում է ինչ-որ բան անել, օրինակ՝ բաժանորդագրվել, գնել կոնֆերանսի տոմս, բեռնել պրեզենտացիան և այլն: Սա ինտերնետային էջ է, որտեղ պոտենցիալ հաճախորդը հայտնվում է գովազդային հայտարարության վրա սեղմելու կամ որոնողական համակարգով համապատասխան բանալի բառեր որոնելու արդյունքում: Լենդինգները բավականին լայն տարածում ունեն մարքեթինգում շնորհիվ ավանդական կայքի համեմատ ունեցած տարբերությունների:

Ի տարբերություն բոլորիս ծանոթ մի քանի էջանոց կայքերի, լենդինգ էջն օգտատիրոջն առաջարկում է կոնկրետ մի բան անել: Ընկերության կայք մարդիկ մտնում են տարբեր նպատակներով՝  տեղեկատվություն իմանալ ընկերության մասին,  հասկանալ կոնկրետ պրոդուկտի առանձնահատկությունները,  ընթերցել բլոգը, ծանոթանալ  թափուր աշխատատեղերին և այլն: Մի նպատակով կայք մտած մարդը չի մտնում մյուս էջը ու ակտիվ արձագանքներ թողնում: Իսկ լենդինգ էջերը ստեղծվում են առավել նեղ լսարանի համար: Դրանց օգտագործումն արդյունավետ է գովազդի մեջ կամ այն ժամանակ, երբ կենտրոնացած եք ինչ- որ կոնկրետ նպատակի վրա՝ վաճառքներ,  տեղեկատվություն, բաժանորդագրման հրավեր և այլն: Ուստի եթե դուք բիզնես ունեք կամ ձեր աշխատանքը կապված է մարդկանց հետ, անպայման մտածե՛ք լենդինգ էջերի ստեղծման մասին:

Լենդինգ էջերի ստեղծման գործընթացի մասին ձեզ ավելի հստակ պատկերացում տալու համար  ներկայացնենք դրա  փուլերը՝

  1. Խորը ուսումնասիրության է ենթարկվում ապրանքը կամ ծառայությունը,
  2. Ուսումնասիրվում է ընկերության հաճախորդների հոգեբանությունը,
  3. Սահմանվում են թիրախային գործողություններն ու դրանց համար ստեղծվում են գործողության կոչեր (CTA-call to action),
  4. Մշակվում է կառուցվածքը, գրվում են տեքստեր և  վերնագրեր,
  5. Ստեղծվում է վայրէջքային էջի նախատիպը,
  6. Ստեղծվում է դիզայնը,
  7. Սկսվում է բուն ծրագրավորումը:

Քանի որ Բրենդոն ընկերությունն արդեն տարիներ շարունակ հաճախորդներին է հանձնում յուրահատուկ ու օգտագործման մեջ հարմարավետ կայքեր, կարող եք ինքներդ համոզվել դրանում՝ աշխատելով մեզ հետ: Սեղմե՛ք այստեղ, եթե ցանկանում եք ծանոթանալ մեր կողմից մատուցվող ծրագրավորման ծառայություններին կամ քննարկել հետագա համագործակցության տարբերակները: