Մարդը հաղթել է արհեստական ինտելեկտի դեմ պայքարում

Արհեստական ինտելեկտի մշակումը կարելի է համարել դարի կարևորագույն գյուտերից, որը շարունակ տպավորում է մարդկանց։ Տարբեր կայքերում կարող ենք գտնել արհեստական ինտելեկտի գեներացրած նկարներ, տեքստեր և երաժշտություն։ Թվում է, թե ԱԻ-ն կատարյալ է և անպարտ, սակայն դա այդպես չէ։ Բրենդոնի այսօրվա բլոգում կխոսենք մարդու և արհեստական ինտելեկտի պայքարի արդյունքի մասին։

Ամերիկացի Քելլին Պելրինը Go խաղում հաղթել է KataGo AI համակարգին: Պայքարը, որում տղամարդը հաղթել է 15 պարտիաներից 14-ում, մեծ ուշադրություն է գրավել իրադարձության որոշակի սիմվոլիզմի պատճառով։ 7 տարի առաջ՝ 2016 թվականին, նմանատիպ խաղում AlphaGo-ից՝ աշխարհի չեմպիոն Լի Սեդոլի կրած պարտությունը գնահատվեց՝ որպես արհեստական ​​ինտելեկտի զարգացման կարևոր իրադարձություն: Թվում էր, թե այստեղ մարդը ընդմիշտ կորցրեց առաջնությունը ԱԻ-ի նկատմամբ։

Մեկ այլ համակարգչային ծրագիր օգնեց հաղթել Pelrina-ին, որն ուսումնասիրեց KataGo խաղալու լավագույն համակարգերից մեկը և գտավ դրա մեջ «թույլ տեղ»: 

Ռազմավարությունը, որն այնուհետև Պերլինը մշակեց և օգտագործեց, հետևյալն էր՝ միաժամանակ վարել դիվերսիոն մանևրներ տախտակի մի հատվածում և «օղակ» անել թշնամու մի խումբ քարերի շուրջը: Ինչպես ասել է Պելրինը, «մեքենան» չի նկատել որսը, նույնիսկ երբ նրա քարերը գրեթե ամբողջությամբ շրջապատված են եղել։ Նրա խոսքով, մարդը վաղուց կհասկանար հակառակորդի մարտավարությունը և կնկատեր շրջակա միջավայրը։

Հաղթողն իր ընտրած ռազմավարությունն անվանում է «ոչ այնքան հասարակ, բայց ոչ շատ բարդ մարդու համար»: Ինքը՝ Պելրինը, մեկ աստիճան ցածր է սիրողականների լավագույն վարկանիշից և կարծում է, որ իր մեթոդը կարող է օգտագործել միջին մակարդակի խաղացողը, և այն բավականին հարմար է արհեստական ​​ինտելեկտին հաղթելու համար։

Բերկլիի Կալիֆոռնիայի համալսարանի համակարգչային գիտության պրոֆեսոր Ստյուարտ Ռասելը նշում է. «Այն փաստը, որ մենք անընդհատ թուլություններ ենք գտնում Go խաղալու ամենաառաջադեմ մեքենաներում, ցույց է տալիս արհեստական ​​ինտելեկտի հիմնարար թերությունը․․․»: Բացի այդ՝ Ռասելը համոզված է, որ նախադեպը «ևս մեկ անգամ ցույց է տալիս, որ մենք չափազանց շտապել ենք ինտելեկտի գերմարդկային հատկանիշները մեքենաներին վերագրելու հարցում»: Պարզ ասած՝ AI համակարգերն իրականում չեն կարող «մտածել», նրանք տալիս են միայն այն, ինչ իրենց սովորեցրել են, ուստի հաճախ անում են այնպիսի բաներ, որոնք մարդկանց անհավանական պարզ են թվում:
Տեխնոլոգիական առաջընթացը արմատապես փոխել է աշխարհը, աշխատաշուկան և գիտական նվաճումները, մնում է կատարելագործել դրանք և հետևել ընթացքին։ Շարունակեք հետևել Բրենդոնի բլոգին, ինչպես նաև ընթերցեք «2025-ին կփոխվեն մասնագիտությունների 40%-ը» բլոգը։