YouTube-ի նոր մոնետիզացում՝ «ծափահարություններ» 2$-ով
Այս վիդեոհարթակը տեղադրված վիդեոհոլովակների դիտումների դիմաց վճարում է, և դա գաղտնիք չէ: Այժմ մի քանի շրջաններում սկսվել են մոնետիզացիայի այլընտրանքային տարբերակի թեստավորումները՝ ծափահարություններ: Այս մասին հայտնեց The Verge-ը:
«Ծափահարությունները» օգտատերերին հնարավորություն են տալիս ընտրել ծափահարող անիմացիաներից մեկը՝ ի աջակցություն իրենց դուր եկած հոլովակի: Թեստավորման փուլում 1 ծափահարության արժեքը 2 ԱՄՆ դոլար է:
Անիմացիան, որը երևում է դիտվող հոլովակի վրայից միայն այդ պահին այն դիտող օգտատիրոջը ու հասանելի է բացառապես բետա տարբերակում, ինչը կոնտենտի հեղինակին տալիս է ֆունկցիան փորձարկելու հնարավորություն:
YouTube-ը նշում է, որ սա հրաշալի ձև է՝ օգնելու կոնտենտի հեղինակներին գումար աշխատել ինչպես օնլայն հեռարձակումների, այնպես էլ հենց հոլովակների դիմաց:
Փորձելով նոր ֆունկցիան գործնականում այս պահի համար հայտնի են հետևյալ նկատառումները՝
• Օգտատերերը ծափահարությունների կոճակը կտեսնեն like և dislike կոճակների հարևանութայամբ՝ հոլովակի ներքևի հատվածում:
• Առավելագույն սահմանափակումը օրական 500$ է, շաբաթական՝ 2000$:
• YouTube-ին մնում է ստացված գործարքների 30%-ը՝ նույն կերպ, ինչպես դա տեղի է ունենում SuperChat-ով օնլայն հեռարձակումների ժամանակ արվող նվիրաբերությունների համար:
• Նոր ֆունկցիան հասանելի է Ավստրալիայում, Բրազիլիայում, Հնդկաստանում, Ճապոնիայում, Կորեայում, Նոր Զելանդիայում և ԱՄՆ-ում:
Օգտվու՞մ եք YouTube-ից, Ձեզ հետաքրքիր կլինի նաև մեկ այլ հոդված՝ «YouTube-ը պատմել է՝ ինչպես է պաշտպանում օգտատերերի անվտանգությունը»: Անպայման ծանոթացե՛ք, մաղթում ենք հաճելի ընթերցանություն:
