![Ինչպես լսարանին մղել գործողության լավ տեքստային բովանդակությամբ](https://brandon.am/upload/16-07-2024/172113637533.jpg)
Ապատեղեկատվության տարածումը հատկապես նման պահերին կարող է շատ կործանարար հետևանքներ ունենալ, ուստի բոլոր այն հարթակները, որոնք ինֆորմացիայի մասսայական տարածման հնարավորություն ունեն, խստացնում են դրա հրապարակման պայմանները: YouTube-ը ներկայացրել է կանոններ, որոնք արգելում են հրապարակել COVID-19-ի մասին կոնտենտ, որը կարող է հանգեցնել առողջական ծանր հետևանքների: Ծառայությունը թվարկել է տեղեկատվության տեսակները, որոնք արգելվում է տարածել վիդեոհոլովակներում՝
• Հոլովակներում կոչ է արվում չդիմել բժշկի և բուժել կորոնավիրուսը տնային պայմաններում՝ օգտագործելով ոչ ավանդական միջոցներ:
• Հոլովակներում պնդում են, որ վիրուսն առհասարակ գոյություն չունի կամ մահացու չէ:
• Հոլովակում կոչ են անում վիրուսը բուժել արարողակարգերի և աղոթքների միջոցով:
• Պնդում են, որ կա պատվաստանյութ կամ դեղամիջոց կորոնավիրուսի դեմ:
• Փորձում են համոզել օգտատերերին, որ COVID-19-ը վիրուս չէ և վարակիչ լինել չի կարող:
• Պնդում են, որ կորոնավիրուսը չի տարածվում որոշակի կլիմայական և աշխարհագրական պայմաններում, ինչպես նաև կան մարդիկ, որոնց վրա այս վիրուսը չի ազդում:
Եթե փորձենք ավելի հստակ օրինակներ բերել, ապա ահա թե ինչպիսի հոլովակներ են արդեն իսկ հրապարակվել և արգելափակվել՝
• Հոլովակում ներկայացվել են չհիմնավորված փաստեր, որոնք բացառում են, որ այսպիսի ինֆեկցիա գոյություն ունի:
• Մարդկանց առաջարկում են պահել շունչը, և եթե դա ստացվում է, ապա վստահաբար նա կորոնավիրուս չունի, և հակառակը:
• Վիդեոհոլովակում կոչ են անում հրաժարվել ասիական սննդից, քանի որ դրա միջոցով հնարավոր է վարակվել կորոնավիրուսով:
• Եղել է հոլովակ, որում ասվել է, որ կորոնավիրուսից օդը կարելի է մաքրել հրավառության միջոցով:
• Քիչ չեն պնդումները, որ կորոնավիրուսը 5G ցանցի ճառագայթման հետևանք է:
• Վստահաբար ասում են, որ վիրուսը տաք կլիմայով երկրներում չի տարածվում: Իհարկը ներկայիս թվերը խոսում են լրիվ այլ բանի մասին:
• Վիդեոներ այն մասին, որ սոցիալական հեռավորությունը և ինքնամեկուսացումը վիրուսի կանխարգելման արդյունավետ միջոցներ չեն:
YouTube-ը զգուշացնում է, որ այս կանոնները խախտող բոլոր հոլովակները կջնջվեն, իսկ հեղինակին այդ մասին տեղյակ կպահվի էլեկտրոնային փոստի միջոցով: 3 խախտումից հետո ալիքը կարգելափակվի:
Սիրելի ընթերցողներ, եղեք ուշադիր և անպայման ֆիլտրեք կոնտենտը նախքան ինֆորմացիան լուրջ ընդունելը կամ կիրառելը: Հետևեք միայն պաշտոնական աղբյուրներին և եղեք առողջ:
Իսկ Բրենդոնը խորհուրդ է տալիս օրն օգտակար անցկացնել և ընթերցել ևս մեկ նյութ՝ YouTube-ը թեստավորում է «Այս վիդեոյի պրոդուկտները» ֆունկցիան:
Հիշեցնենք, որ բացի կրթական և ինֆորմատիվ նյութերից՝ Բրենդոնի թիմը աշխատում է սոցիալական մեդիա մարքեթինգի ամենաթարմ ու կրեատիվ գործիքներով: Ուստի եթե ցանկանում եք, որ Ձեր բիզնեսն առաջ մղվի, մենք սպասում ենք Ձեր մարտահրավերներին. կապ հաստատեք մեզ հետ 055 999 015 հեռախոսահամարով: