2019-ի ամենապահանջված հմտություններն ըստ LinkedIn-ի
Գործատուներին բացի ձեր աշխատանքային փորձից և կրթությունից հետաքրքրում են նաև ձեր՝ որպես մարդու և աշխատողի հմտությունները, որոնց նկատմամբ պահանջարկը ժամանակի ընթացքում ենթակա է փոփոխության: LinkedIn-ը իրականացված հետազոտությունների արդյունքում ներկայացրել է ամենապահանջված hard և soft հմտությունները:
Նախ եկեք հասկանանք՝ որոնք են hard և soft հմտությունները:
Soft skills (փափուկ հմտություններ) — ոչ մասնագիտական հմտությունների համակարգն է, որոնց շնորհիվ աշխատակիցը կարողանում է մասնակցել առօրյա աշխատանքային կյանքին՝ ապահովելով բարձր արտադրողականություն: Այս հմտությունները կոնկրետ ոլորտի հետ կապված չեն, և դժվար է դրանք քանակապես չափել:
Hard skills (կոշտ հմտություններ) — աշխատողի տեխնիկական ունակություններն են կամ հմտությունների խումբը, որոնք նա կարող է դրսևորել գործնականում, և դրանք ենթակա կլինեն քանակական չափման:
Ամենապահանջված 5 Soft skill-երը՝
1)Կրեատիվություն
2)Համոզիչ լինելու ունակություն
3)Համագործակցելու ունակություն
4)Հարմարվողականություն
5)Ժամանակը կառավարելու ունակություն
Ամենապահանջված 5 Hard skill-երը՝
1) Cloud computing
2)Արհեստական բանականություն
3) Analytical Reasoning
4)Մարդկանց կառավարում
5) UX-դիզայն
Ուստի կարող ենք անել հետևյալ հետևությունները՝
- Աշխատանքի շուկան գնալով քիչ է կապված մնում աշխարհագրությանը, ամեն օր առաջանում են նորամուծություններ և նոր գործիքներ:
- Առանց նոր հմտությունների ձեռքբերման, միաժամանակ մի քանի հանձնարարություն անելու ունակության և ճկունության աշխատաշուկայում գոյատևել պարզապես հնարավոր չէ:
- Պետք է կենտրոնանալ գործընթացների ճիշտ ընթացքի վրա, ինչը հնարավոր է միայն դեպքում, եթե ժամանակը ճիշտ է կառավարվում:
- Տարածությունը, հեռահար աշխատողների մեծ քանակը ստիպում են կիրառել մարդկանց կառավարման հնարավորինս արդյունավետ եղանակներ:
- Մրցակցությունն ու նոր փոփոխականների անընդհատ ի հայտ գալը ստիպում են աշխատել ավելի շատ տվյալների հետ, ինչի համար անհրաժեշտություն է դառնում արհեստական բանականության օգտագործումը:
Դե ինչ, վստահ ենք, որ այս հմտությունների շարքում գտաք այնպիսինները, որոնք դուք էլ ունեք: Շարունակե՛ք հետևել աշխատաշուկայի միտումներին և անընդհատ կատարելագործվել, իսկ եթե ցանկանում եք իմանալ մի քանի հնարք այն մասին, թե «Ինչպե՞ս սկսել կրեատիվ մտածել» սեղմելով այս հղմանը՝ կարող եք ընթերցել մեր բլոգը:
