Կոնտենտ պլանի մշակումը ՍՄՄ մասնագետների համար աշխատանքի ամենաբարդ փուլերից է, քանի որ ժամանակի ընտացքում գաղափարները հաճախ սպառվում են։ Ժամանակակից աշխարհում կան բազմաթիվ գործիքներ և մասնագիտական հմտություններ, որոնցով այս գործընթացը կդառնա շատ հեշտ։ Բրենդոնի այսօրվա բլոգում կխոսենք կոնտենտ պլան մշակելու մասին, ինչպես նաև կներկայացնենք գաղափարներ և խորհուրդներ, որոնք հարմար են ոչ միայն սկսնակների, այլև փորձառու SMM մենեջերների համար:
Երբ որոշեք, թե ինչու և ում համար եք վարելու սոցիալական ցանցեր, ժամանակն է մտածել, թե ինչպես կազմել կոնտենտ պլան։ Գաղափարներ գտնելն ու հրապարակումներ անելը արագ գործընթաց չէ։ Լավ մասնագետի աշխատանքը չի սահմանափակվում մեկ ամիս առաջ մշակված գրառումներով։ Կոնտենտի վերջնական նպատակն է հավատարմություն վաստակել, խթանել առաջխաղացումը և թիրախային լսարանը վերածել իրական հաճախորդների: Մենք կպարզենք, թե որտեղ փնտրել կոնտենտի նոր գաղափարներ և ինչպիսին պետք է լինեն գրավիչ հրապարակումները:
Անկախ նրանից, թե ինչ արդյունք եք ակնկալում ձեր լսարանից՝ որակյալ կոնտենտը պետք է լինի առաջին տեղում՝ տեղեկատվական, օգտակար և հետաքրքիր, ինչպես նաև յուրահատուկ և ուշադրություն գրավող: Բայց ինչպիսի՞ կոնտենտով են մարդիկ ցանկանում կիսվել: The New York Times Customer Insight Group-ը հետազոտություն է անցկացրել և հայտնաբերել հինգ հիմնական պատճառ, որոնք ստիպում են մարդկանց հրապարակումներ անել:
Կոնտենտի հոգեբանություն
Հիմնվելով ուսումնասիրության արդյունքների վրա՝ մենք կարող ենք մի քանի եզրակացություններ անել և հասկանալ, թե ինչպես կարելի է արժանանալ օգտատիրոջ ուշադրությանը:
1. Տեղադրեք օգտակար և ուսուցողական բովանդակություն: Օգնեք լուծել հետևորդների խնդիրները և լինել նրանց հետ նույն ալիքի վրա:
2. Ստեղծեք վստահություն․ հրապարակումները չպետք է լինեն պաշտոնական և հրամայական: Մի փորձեք վաճառել ապրանքներն ու ծառայությունները հենց սկզբից. սկսեք հեռվից և ընդհանուր տեղեկություններ տվեք: Կիսվեք կարծիքներով կամ գրեք փորձագիտական կոնտենտ, որպեսզի մարդիկ իմանան, թե ինչու կարող են վստահել ձեզ:
3. Պատկերացրեք ձեզ հաճախորդի փոխարեն․ ամեն անգամ, երբ նոր գրառում եք անում, նայեք դրան ընթերցողի տեսանկյունից: Հիշեք, թե ով է նա, ինչ է շսիրում և ինչու նա պետք է կարդա ձեզ: Մի մոռացեք, թե ում համար է ծառայում սոցիալական մեդիան (ոչ, ոչ ձեր ղեկավարին):
4. Պարզ մնացեք․ մարդկանց մեծ մասը հոդվածներ չի կարդում վերնագրից կամ առաջին պարբերությունից հետո (լավագույն դեպքում): Եթե կոնտենտը չափազանց բարդ է թվում, օգտվողը չի խորանա դրա մեջ:
Գործիքներ գաղափարներ գտնելու համար
Կան մի քանի գործիքներ, որոնք կօգնեն ձեզ ստեղծել կոնտենտ պլան VKontakte-ի, Instagram-ի, Facebook-ի գրառումների համար: Նրանցից ոմանք միավորում են վերնագրերը, մյուսները առաջարկում են գաղափարների որոնում՝ ըստ ոլորտի և հիմնաբառերի:
Կոնտենտ պլան կազմելիս առաջնորդվեք հետևյալ չափանիշներով.
Բովանդակության պլանի նախագծման մեկ ստանդարտ չկա. այն կարող է լինել տեքստային փաստաթուղթ, պրեզենտացիա, աղյուսակ և նույնիսկ MindMap: Կարևոր է փորձել հասկանալ, թե որն է ձեզ ավելի հարմար։ Ուսումնասիրելով դաշտը՝ կգտնեք ձեզ ամենահարմար տարբերակը։ Շարունակեք մնալ Բրենդոնի հետ, ինչպես նաև ընթերցեք «Instagram-ի կոնտենտ պլանում արվող 6 տիպիկ սխալ» բլոգը։