User-generated content. ի՞նչ է սա

Երբևէ մտածե՞լ եք, որ հնարավոր է գտնել կոնտենտի անսպառ աղբյուր, որը կլինի ամենավստահելին ու արժանահավատը Ձեր հետևորդների համար: Բրենդոնի այսօրվա բլոգում կքննարկենք օգտատերերի կողմից ստեղծվող կոնտենտի տեսակները և դրանց առավելություններն ու թերությունները:  

UGC (user-generated content) — սա այն կոնտենտն է, որը ստեղծում են բրենդի սպառողները: Կոնտենտի այս տեսակը հրաշալի է այնքանով, որ

• Բրենդի անխափան գործունեության արդյունքում կոնտենտի այս տեսակի աղբյուրը կարող է անվերջ լինել:

• Սա անխախտելի սոցիալական ապացույց է բրենդին անծանոթ անհատների համար, քանի որ կարծիք հայտնողները ռեալ օգտատերերն են:

• Եթե անգամ օգտատերերի հրապարակումները չեք  ցանկանում նույնությամբ հրապարակել, դրանք կդառնան նոր մտքերի աղբյուր SMM մասնագետների համար:  

Սակայն կոնտենտի այս տեսակն ունի նաև բացասական կողմեր.

• Որակն այստեղ անվերահսկելի է, քանի որ անգամ դրական կարծիքը կարող է տեղադրվել խիստ անհաջող բովանդակությամբ:  

• Բացի այդ՝ անխուսափելի է նաև բացասական կարծիքների վերահսկումը. եթե սոցիալական կայքերում review-ների դաշտը բաց է,  ապա միայն բացասական մեկնաբանությունները հեռացնել չեք կարող:

Մարդիկ հագուստ գնելիս, բժիշկ ընտրելիս, հյուրանոց ամրագրելիս ու անգամ ֆիլմ ընտրելիս հիմնվում են ծանոթ-անծանոթ մարդկանց կարծիքների վրա, ու UGC-ն կատարելու է հենց խորհրդատուի դերը: Օգտատերերի 93%-ը հակված է որոշում կայացնել հենց կարծիքների հիման վրա, ու որքան շատ են դրական կարծիքները, այնքան մեծ է հավանականությունը, որ կընտրեն հենց տվյալ պրոդուկտը: Սովորական գնորդը կարող է պրոդուկտի այնպիսի առավելություններ բացահայտել, որոնց մասին մարքեթոլոգը չէր էլ կարող ենթադրել:  

Բացի այդ՝ սա հրաշալի տարբերակ է մեծացնելու լսարանը, քանի որ մարդիկ սիրում են իրենց ստեղծած կոնտենտով կիսվել ընկերների հետ: Արդյունքում մի ընկերությունը գումար է ծախսվում վճարովի գովազդի վրա, իսկ մյուսի հետևորդները գովազդում են այն անվճար, այն էլ` ավելի արդյունավետ կերպով: Հենց սա է պատճառը, որ հաճախ SMM մասնագետների KPI-ների շարքում կտեսնեք նաև օգտատերերի կողմից գեներացված կոնտենտի քանակը:

Իսկ ի՞նչ տեսակի կարող է լինել UGC-ն

• Review-ները ապրանքի գնումից հետո՝ հենց տվյալ պրոդուկտի նկարագրության մոտ:

• Խորհուրդները, որոնք ուղղակի կարող են գրվել ապրանքի տակ: Սակայն քանի որ այս դեպքում գնումը պարտադիր չէ, կարող են լինել նաև կեղծ:

• Մեկնաբանություններ – խոսքը կայքում հրապարակված նյութի կամ հրապարակման տակ դրվող մեկնաբանության մասին է:

• Ապրանքի ներկայացում – սա կարող է գնորդն անել գրավոր կամ վիդեոտարբերակով:

• Ռեյտինգային ցուցակներ կամ համեմատականներ - այստեղ կարող է ներկայացվել ապրանքների շարք կամ էլ համեմատական 2 և ավել պրոդուկտների հատկությունների միջև:  

• Հյուրային հրապարարակումներ – այս ֆորմատը հորինվել է բլոգերների կողմից, և եթե ուշադիր լինեք, օրինակ, քաղաքային էջերի հրապարակումները 90%-ը այլ մարդկանց կողմից են արված:

• Լուսանկարներ – առանց մեկնաբանության լուսանկարների հրապարակումը սթորիների միջոցով դարձել է UGC- ի ամենատարածված տեսակներից. պարզ, տպավորիչ ու գեղեցիկ:

• Վիդեո – սկզբունքը լրիվ նույնն է. կարող է լինել պատվերը բացելու, դրա օգտագործման ընթացքը կամ էմոցիոնալ արձագանքը ներկայացնող վիդեո:

Ի՞նչ կարող ենք եզրակացնել՝ ամփոփելով նյութը

• UGC-ն օգնության է հասնում, երբ մտքերի պակաս կա:

• Այն հզոր սոցիալական գործիք է, որը վստահություն է ներշնչում և ազդում սպառողական վարքագծի վրա:

• Գնորդներին կարելի է դրդել կիսվել կարծիքով գումարի, զեղչի և անվճար պրոդուկտի դիմաց:  

• UGC կարելի է ստանալ՝ գնելով գովազդ բլոգերներից և ԶԼՄ-ներից:

• Պետք է չմոռանալ հեշթեգների PR-ի մասին:

• Ոչ մի դեպքում չենք մոռանում ռազմավարության մշակման, տարածման օրգանիկ ու ոչ օրգանիկ տարբերակների, չատ-բոտերի կիրառման, կոնտենտ պլանով առաջ շարժվելու, վիճակագրությունն անընդհատ ուսումնասիրելու մասին:

Ահա և փոքրիկ նյութ UGC-ի մասին. սա այն է, ինչի մասին երազում են շատ SMM մասնագետներ: Դե իսկ եթե մինչև վերջ ընթերցեցիք այս նյութը, առաջարկում ենք նաև ծանոթանալ Instagram-ի կոնտենտ պլանում արվող 6 տիպիկ սխալներին: