5 պարզ խորհուրդ հավատարիմ հաճախորդներին ձեզ մոտ պահելու համար

Հավատարիմ հաճախորդներն են ցանկացած ընկերության գոյատևման հիմքը, և չկա որևէ ընդհանուր մեխանիզմ, որով հնարավոր է վերահսկելի դարձնել նրանց վարքը, էմոցիաներն ու որոշումները, սակայն կան հետազոտություններ, որոնց օգնությամբ հնարավոր կլինի նվազեցնել սխալ հարաբերությունների ձևավորման ռիսկը:

Հավատարմության ծրագրեր

Ներդրե՛ք հավատարմության ծրագրեր, որոնք, ըստ հետազոտությունների, ստիպում են մարդկանց մոտ 2 անգամ ավելի ակտիվ գնումներ կատարել: Օրինակները կարող են լինել այպիսին՝

• Կատարի՛ր 5 պատվեր, 6-րդը կստանաս անվճար,
• Պատվիրիր x+y ապրանքները և կստանաս z-անվճար,
• Կատարի՛ր 100 հազար դրամը գերազանցող գնում և ստացի՛ր քո ընտրությամբ նվեր կամ մշտական զեղչի քարտ,
• Բաժանորդագրվի՛ր մեր կայքի նորություններին և էլեկտրոնային փոստով կստանաս x% զեղչ,
• Հրավիրի՛ր քո ընկերներին բաժանորդագրվելու մեր էջին, և յուրաքանչյուր 5-ի համար ստացիր x% զեղչ:

Անձնավորված շփում

Մարդիկ սիրում են, երբ իրենց դիմում են անվամբ կամ որևէ տեղ նշվում է իրենց անունը որպես հաճախորդ: Jounal of Applued Social Psychology-ի կողմից անցկացված հետազոտությունները ցույց են տալիս, որ անձնավորումը 23%-ով ավել մարդկանց է կարող ներգրավել: Եթե կա անձնավորում, հանուն դրա հաճախորդը պատրաստ է ավել գումար վճարել տվյալ արտադրանքի համար այլ հավասար պայմաններում:

Անսպասելի նվերներ

Գաղտնիք չէ, որ անակնկալները կարող են կտրուկ լավացնել բրենդի նկատմամբ հաճախորդի վերաբերմունքը, սակայն շատերը մինչ օրս ոչ մի նույնիսկ փոքրիկ անակնկալի վրա պատրաստ չեն «ավելորդ» գումար ծախսել: Երբեմն նույնիսկ նվազագույն ծախսերով հնարավոր է ահռելի արդյունքների հասնել: Դա տեղի ունեցավ, օրինակ, «Sweetgreen» ռեստրանի հետ, որի եկամուտը եռակի աճեց այն բանից հետո, երբ ընկերությունն իր վրա վերցրեց այցելուների ավտոկայանատեղի համար արվող վճարումները:

Որակ, ոչ թե քանակ

Մարդկանց ավելի շատ հուզում է ծառայության որակը, այլ ոչ թե մատուցման արագությունը: Նրանք տպավորվում են այն ժամանակ, երբ ծառայությունը լիարժեք է մատուցվել: Միայն արագությունը չի ստիպի նրանց կիսվել դրական կարծիքով մտերիմների հետ:

Հարկավոր են նոր մտքե՞ր, հարցրու՛ հաճախորդներին

Հետազոտությունները հավաստիացնում են, որ 1193 հաջողված ինովացիաների 60%-ը հենց սպառողների կողմից է առաջարկվել: