Գովազդային լսարանի ընդլայնման 4 եղանակ

Հաճախ հրապարակումները մնում  են առանց արժանի ուշադրության, քանի որ չկան բավարար քանակի ընթերցողներ, բայց պատկերացրեք՝ որքան լուրջ է, երբ գովազդի հետ է նույնը լինում, քանի որ վերջանում է «տաք» լսարանը: Նախագծերի մեծ մասի համար լսարանի սպառման պահը վաղ թե ուշ մոտենում է, ու մարքեթոլոգի խնդիրն է հետաձգել դա՝ որքան հնարավոր է: Այն խնդրի լուծման եղանակներին է նվիրված այսօրվա բլոգը: 

1 – Լսարանը պետք է հանգստանա
Սա գովազդի պիտանության ժամկետի հետաձգման պարզագույն և արդյունավետ միջոցներից է, որի շրջանակներում արվում է 2-4 շաբաթ ընդմիջում: Լսարանը հետ կվարժվի, և կկարողանաք վերսկսել գովազդը: Արվում է հետևյալ հնարքը. վերցվում է պոտենցիալ հաճախորդների 2 բազա, նախ գովազդ է միացվում մեկի համար 2 շաբաթ, այնուհետև դա անջատվում է, միացվում է երկրորդը նորից 2 շաբաթով: Այդպես նրանք հաջորդում են միմյանց: Սա արդյունավետ է օգտագործել այն ապրանքների գովազդման համար, որոնց նկատմամբ կա կրկնվող պահանջարկ, օրինակ՝ վարսահարդարման կամ մատնահարդարման ծառայություններ: 

2 – Փոխել գովազդի տեսքը
Տեքստի և նկարի ամեն նոր զուգակցում բերում է ուշադրության նոր ալիք: Կարող եք գովազդի համար ընտրել մի քանի տարբեր նկար, այնուհետև գրել այդ նկարների հետ առնչվող գովազդային տեքստեր, որոնցից յուրաքանչյուրը համապատասխանում է ընտրված նկարներից յուրաքանչյուրին: Այնուհետև ժամանակի ընթացքում կատարեք նկար-տեքստ համակցություններ: Կան հարթակներ, որոնք տալիս են բոլոր տարբերակները բեռնելու հնարավորություն, որից հետո հարթակը (օրինակ՝ Google AdWords) ավտոմատ ընտրում է դրանց համակցություններն ու սկսում ցուցադրել ամենահաջողվածները:

3 – Նման լսարանի որոնում
Որպես հիմք՝ վերցնում ենք այն լսարանները, որոնք նախկինում ընտրվել են ու արդյունավետ ձևով աշխատել: Օրինակ՝ կարելի է ընտրել այն մարդկանց, ովքեր դրական են արձագանքել արված գովազդին: Այնուհետև դրա հիման վրա ստեղծվում է նման լսարան, որի վրա դրվում է գովազդը: Արդյունքում և՛ նույն լսարանն անընդհատ չի հոգնում, և՛ մեծանում է պոտենցիալ հաճախորդների բազան: 

4 – Թիրախի ընտրության այլ տարբերակ 
Պետք է նախ հասկանալ անցկացվող նախագծի մասշտաբները. արդյո՞ք այն նախատեսված է բոլորի համար, թե՞ թիրախային է համարվում մի փոքր, նեղ լսարանը: Սակայն նաև պետք է հաշվի առնել, որ միշտ հույսը «բոլորի համար» գովազդի վրա դնելը ճիշտ չէ, քանի որ ոչ մի լսարան անսպառ չէ, ու սխալ ընտրություն կատարելով՝ դուք պարզապես գումար եք կորցնելու: 
Պետք է աշխատել հետևյալ կերպ. ենթադրենք՝ դուք ի սկզբանե փորձում եք ձեռքով հավաքել այնպիսի լսարան, որն առավելագույնս համապատասխանում է ձեր ընտրած տարիքային կազմին, նախասիրություններին, մասնագիտություններին և այլն: Արդյունքում ստացվում է, ենթադրենք, 20 հազար հոգի, ում ցուցադրվելու է ձեր գովազդը: Այս լսարանը կարող է հերիքել գովազդի համար մոտ 1 ամիս: Հիմա ենթադրենք մեկ այլ դեպք. ի սկզբանե ընտրվում է միայն լսարանի սեռը, տարիքը և ընտանեկան կարգավիճակը:  Ստացվում է հարյուրապատիկ ավել լսարան, որի վրա կարելի է միացնել գովազդը: Այստեղ էական է, որ որպես գնի ցուցանիշ չընտրվի գինը 1000 ցուցադրության համար (այն հարթակներում, որտեղ աճուրդի այս տեսակը թույլատրվում է), քանի որ դա զգալի ծախսի կբերի այն դեպքում, երբ լսարանը լրիվ մեզ համար չէ: Որպես գին սահմանվում է 1 քլիքի գինը, ընդ որում սկզբում այն դրվում է հնարավորինս ցածր, այնուհետև աստիճանաբար բարձրացվում է: Արդյունքում լսարանը ընդգրկում է ավելի շատ մարդկանց և արդյունքները լինում են ավելի շոշափելի: 

Այս 4  պարզ քայլը երկրորդ շունչ կտան Ձեր լսարանին, և գովազդն ավելի երկար կյանք կունենա: Իսկ անցնելով այս հղմամբ՝ կիմանաք բաներային գովազդի 10 կանոնները: 

Ցանկանու՞մ եք սկսել Ձեր էջի SMM առաջխաղացումը Բրենդոնի միջոցով: Եթե ցանկանում եք ունենալ մեզ հետ քննարկումներ կամ ստանալ խորհրդատվություն, զանգահարե՛ք 055 999 015 հեռախոսահամարով: