Բնության մեջ գոյատևում է ոչ թե ամենախելացին կամ ամենաուժեղը, այլ նա, ով կարողանում է բոլորից ճիշտ ու արագ հարմարվել շրջակա միջավայրի փոփոխություններին: Նույն պնդումը միանգամայն տեղին է մարքեթինգի համար, քանի որ գովազդային արշավների հաջողության գրավականը օրիգինալ լուծումներն են ու արագ ադապտացումը digital-միջավայրին և ոչ միայն:
Սրա համար էլ գնալով ավելի ակտուալ է դառնում Agile-մարքեթինգը: Այն Agile մեթոդաբանության սկզբունքների և պրակտիկայի կիրառումն է մարքեթինգում, ինչը ենթադրում է ինքնակազմակերպվող բազմաֆունկցիոնալ խմբերի առկայություն, որոնց աշխատանքը բաղկացած է կարճ փուլային ամփոփումներից և անընդհատ հետադարձ կապից:
Ավելի քան 10 տարի առաջ մարքեթոլոգների մի խումբ կիսվեց agile-մարքեթինգի գաղափարներով՝ ստեղծելով մանիֆեստ, որը դարձավ կառավարման ճկուն համակարգերը նախընտրող մարքեթինգային թիմերի ուղեցույցը:
Թիմային աշխատանք և համագործակցություն
Անդամները հիերարխիան փոխարինում են ազատ համագործակցությամբ: Թիմի յուրաքանչյուր անդամ կարող է մասնակցություն ունենալ բոլոր նախագծերին: Համակարգված աշխատանքի համար թիմերն անընդհատ կապի մեջ են հաղորդակցման մի քանի ուղիով:
Տվյալների վրա հիմննված որոշումների ընդունում
Agile-մարքեթոլոգներն առաջնորդվում են միայն ստացված տվյալներով: Պարբերաբար արվում են արշավների արդյունավետության բարձրացման նոր փորձարկումներ և չափվում ստացված արդյունքները՝ հետագա ճշգրտումների իրականացման նպատակով:
Հաճախակի ամփոփումներ
Agile-մարքեթինգի թիմերը հաճախակի են կազմակերպում սպրինտներ: Սպրինտը իրենից ներկայացնում է կարճ ժամանակամիջոց, որի ընթացքում scrum թիմը պետք է կատարի նախանշված հանձնարարությունը: Սպրինտի ցիկլը թույլ է տալիս թիմերին կարճ ժամանակամիջոցներում կատարել իրար հաջորդող փոքր ծավալի աշխատանքներ և անհրաժեշտության դեպքում պլանի կարգավորումներ անել նշված ժամանակահատվածում:
Аgile մանիֆեստի սկզբունքների նկատմամբ հետևողականություն
Թիմերն առավելագույն խստությամբ ենթարկվում են մանիֆեստի սկզբունքներին և արժեքներին: Այնտեղ ներկայացված են 5 հիմնական արժեքներն ու 10 ս կզբունքները, որոնցից ընտրություն կարող է կատարել ընկերությունը՝ ներառյալ ստենդափներ, սպրինտեր և Kanban տախտակներ: Կախված նպատակից՝ որոշվում է օգտագործվելիք մեթոդը:
Այստեղ առաջնային են՝
• Մարդիկ և նրանց փոխազդեցությունները, ոչ թե աշխատանքային գործընթացները և գործիքները:
• Աշխատող պրոդուկտ, ոչ թե ռեգլամենտ, նկարագրություն և ինստրուկցիաներ:
• Պատվիրատուների հետ պրոդուկտիվ հաղորդակցություն, և ոչ թե ֆորմալ շփում միայն պայմանագրի շրջանակներում:
• Փոփոխությունների նկատմամբ արագ արձագանք և ոչ թե պլանի կատարում միայն:
Բրենդոնի այսօրվա բլոգում ներկայացրինք նախնական ինֆորմացիա Agile մեթոդաբանության մասին, իսկ եթե Ձեզ հետաքրքրում է ընդհանուր մարքեթինգը, և ցանկանում եք տիրապետել մասնագիտակական տերմիններին, ուրեմն անպայման անցեք մեր «Մարքեթոլոգի բառարանը» նյութերի շարքով: