Հայկական ստարտափ էկոհամակարգը վերջին տարիներին աստիճանաբար զարգանում է։ Ամեն ամիս հայտնվում են նոր գաղափարներ, թիմեր ու պրոդուկտներ։ Բայց ահա խնդիրը․ շատերը մեծ էներգիայով ու խանդավառությամբ դուրս են գալիս շուկա, բայց նույնքան արագ էլ անհետանում։ Պատճառը միշտ գաղափարի «վատ» լինելը չէ։ Շատ հաճախ նրանք պարզապես չունեն հստակ մարքեթինգային ռազմավարություն և ճիշտ բրենդինգի ծառայություն։
Կարող ենք պատկերացնել շուկան որպես մարդաշատ տոնավաճառ։ Տարբեր տաղավարներում մարդիկ բարձրաձայն գովազդում են իրենց ապրանքը։ Եթե դու քո ստարտափով կանգնես այդտեղ առանց վառ ձևավորման, առանց խոսքի ճիշտ ընտրության, կամ առանց մի փոքր «wow» էֆֆեկտի, ապա հավանական է՝ ոչ ոք չի նկատի։ Սա է հենց բրենդինգի ու մարքեթինգի բացակայության գինը։
Շատ հայկական ստարտափներ մտածում են՝ «մենք տեխնոլոգիա ենք ստեղծում, եթե այն իսկապես լավն է, ինքն իրենով կհաղթի»։ Բայց իրականությունը լրիվ այլ է։ Խելացի տեխնոլոգիան ինքն իր մասին չի պատմում։ Դրա համար անհրաժեշտ է այնպիսի պատմություն, որին մարդիկ հավատան, համեմատեն իրենց կյանքի հետ և ցանկանան դառնալ դրա մաս։ Ահա այստեղ է, որ բեմ է բարձրանում բրենդինգը։
Օրինակ, եթե դու ստեղծում ես նոր հավելված, որը պիտի օգնի մարդկանց արագ կազմակերպել իրենց օրը, ապա քո մրցակիցը ոչ միայն մյուս ստարտափ հավելվածներն են, այլև Google Calendar-ը կամ նույնիսկ թղթե օրացույցը։ Ինչպե՞ս կարող ես համոզել, որ քոնը ավելի լավն է։ Այստեղ գալիս է մարքեթինգային ընկերություն, որը կօգնի ճիշտ դիրքավորել ապրանքը կամ ծառայությունը, գտնել օգտատիրոջ հոգեբանական «ցավը» և ցույց տալ, թե ինչպես ՝ քո լուծումը անցկացնում այդ ցավը։ Բրենդինգը կարելի է պատկերացնել որպես պատմվածք, իսկ մարքեթինգը՝ որպես այդ պատմվածքը տարածելու ճանապարհ։ Եթե բրենդը չունի պատմություն, ապա մարքեթինգն էլ տարածելու ոչինչ չի ունենա։ Իսկ եթե պատմություն կա, բայց այն չի հասնում մարդկանց ականջին, նույնն է, ինչ հիանալի ֆիլմ նկարահանել ու ցույց չտալ ոչ ոքի ։ Հայկական ստարտափների հաջողված օրինակները ցույց են տալիս, որ ճիշտ ռազմավարությամբ հնարավոր է հասնել միջազգային ճանաչման։ Բայց այն թիմերը, որոնք անտեսում են բրենդինգի ուժը, հաճախ մնում են տեղական մակարդակում կամ պարզապես անհետանում թեժ մրցակցության մեջ։
Եզրակացությունը պարզ է․ եթե ուզում ես, որ քո ստարտափը դառնա ոչ թե մեկ տարվա ոգևորություն, այլ երկարաժամկետ բիզնես, ապա առաջին իսկ օրվանից ներդրում արա բրենդինգի համար, կառուցիր հստակ մարքեթինգային ռազմավարություն, և աշխատիր փորձառու մարքեթինգային ընկերության հետ։ Դա այն հիմքն է, որը քո գաղափարին կտա իրական կյանք, ձայն և էներգիա։