Ո՞վ է ասել, որ չի կարելի բարեկամի հետ բիզնես սկսել

Այսօրվա  մեր  բլոգում առանձնացրել ենք միջազգային բիզնեսում գործընկերային հարաբերությունների մի քանի հաջողված օրինակներ, որոնք, տարիների ընթացքում զարգանալով, հասել են համաշխարհային մասշտաբների։

Evan Williams & Biz Stone - Twitter

Էվան Ուիլիամսը աշխատում էր Blogger-ում, երբ այն գնվեց Google-ի կողմից։ Ուիլյամսն աշխատանքի ընդունեց Սթոունին։ Սկզբում նրանք մրցակիցներ էին, հետո նոր դարձան ընկերներ։ Երբ Էվանը Google-ից հեռացավ կարիերան Odeo.com-ում շարունակելու համար, Սթոունը նույնպես դուրս եկավ աշխատանքից։ Odeo.com-ում աշխատելու ժամանակ նրանք հանդիպում են Ջեք Դորսեյի հետ, ով իր գաղափարը ներկայացնում է ընկերներին։ Այսպես ստեղծվեց Twitter-ը։

Ինչու՞ հաջողվեց նրանց համագործակցությունը. շնորհիվ տվյալ ոլորտում աշխատանքային փորձի, փոխադարձ հարգանքի, եղբայրական փոխհարաբերությունների։ 

William Procter և James Gamble – Procter & Gamble

Պրոկտերը և Գեմբլը ամուսնացած էին Նորիս քույրերի հետ, երբ նրանց աները խորհուրդ տվեց միավորել իրենց բիզնեսները։ Գեմբլը ուներ օճառի գործարան, իսկ Պրոկտերը` մոմի: Միավորվելով՝ նրանք ստեղծեցին մի ահռելի միջազգային կորպորացիա, որն այսօր սպառողական բարիքներ շուկայում առաջատարներից է։

Ո՞րն էր նրանց համագործակցության պատճառը. նրանք երկուսն էլ առաջնորդվում էին ընտանեկան արժեքներով։

Moore և Noys - Intel

Մուրը և Նոիսը ապստամբներ են եղել: Նրանք այսպես կոչված “դավաճան ութնյակի” անդամներից էին, ովքեր լքել էին Shockley Semiconductor Laboratory-ին, որպեսզի սկսեին իրենց գործը։ Այնտեղից հեռանալուց հետո Մուրը և Նոիսը ստեղծեցին  Intel-ը:

Ինչու՞  հաջողվեց նրանց համագործակցությունը. Նոիսը ոչ միայն առաջին միկրոչիպի ստեղծողներից էր, այլ նաև ընկերության զարգացման ուղին որոշողն էր։ Իսկ Մուրը պարզապես ապրում էր նոր տեխնոլոգիաներ ստեղծելու մտքով։ Նրանց տաղանդնրի համադրման  և գործընկերության շնորհիվ ստեղծվեց նորարարական ընկերություն։

Այսքանն այս բլոգի համար, իսկ եթե ցանկանում եք իմանալ՝ ինչով են զբաղված կանայք համացանցում և ինչպե՞ս դա օգտագործել վաճառքների աճի համար, խորհուրդ ենք տալիս անցնել այս հղմամբ և ընթերցել մեր պատրաստած նյութը: